PENSIONIERTENVEREIN DER KANTONSPOLIZEI
BASEL - STADT


Herbst-Plausch 2009
Herbschtplausch 2009

Am Herbschtplausch dien die meischte hange
und drum mit Härz druff aane blange.
S Gniesse kunnt denn wider rächt zem Zùùg.
Wär s Geegedeil bhauptet, verzellt e Lùùg!

Nääbe de-n-Organisatore bruuchts au d Hilf,
fäält e Deil, schtöön die arme Gèscht im Schilf.
Bildlig gsait, fäälti uff de Schnitte dr Angge.
Drum vrdiene die ‚Geischter’ e bsunders ‚Dangge’.

Doch fäält doo no-n-e wichtigs Schtügg –
und das nit zlètscht – ’s isch s Wätterglügg.
Wo dr Petrus het’s afoo zünftig räägne loo,
hän d Organisatore denn au ‚Schiss’ bekoo.

Dr Petrus – uff Zagg – är het unvrdrosse,
no rächtzytig offeni Schleuse gschlosse.
Die schlimme Befürchtige sin nit yydroffe,
druff die Pangsionierte in Schaare iine gloffe.

Bevor me dä Hogg so richtig dörf gniesse,
duet dr Präsi no wichtigi Gèscht begriesse.
Soo au dr Überraschigsgascht, dr Gerhard Lips:
dr neu Kommandant mit Härz und Grips.

Nit à la ‚Schtuggi’, doch by guetem Ässe,
soo sin mir denn gmietlig zämme gsässe.
Drzue gits no-n-e Dröpfli in froher Runde,
he nu, soo vrfliege die glatte Schtunde.

Zem Schluss noo-n-e Gedangge in eigener Sach:

Mir hän am hütige Morge, däm früsche,
vrräägneti Disch miesse drogge wüsche.
Dr ‚Herr G.’ uss Liibye, wo-n-is möchti vrdryybe,
hätt is sicher au gschlaage im Dischabryybe.

Andy Kunzelmann




Begrüssung durch den Kommandanten
Gerhard Lips

Begrüssung durch den Präsidenten
Fredy Menzi
Die zahlreichen Teilnehmer,
durften wieder einen schönen Tag erleben.
Herzlichen Dank den Organisatoren.
3. September 2009
Euer Webmaster: Werner Hohler




Seite
erstellt: 3. Sept. 2009
Homepage erstellt durch:
Werner Hohler