|
Herbst-Plausch 2010
 |
Herbschtplausch 2010
Me wogt z bhaupte – und das ganz logger –
e so-n-e Herbschtplausch rysst eim vom Hogger!
Die Pangsionierte strööme – es isch zem Schiesse –
in Schaare iine, um dä Aaloss doo z gniesse.
Dä Fahrer – s Bild zeigt’s, und es isch wòòr –
isch diräggt vo Ettige koo, uff sym Traggtor.
Zwanzig Kilometer pro Schtund schafft dä Expräss.
Ganz sicher zahlt dr Dieter nie für e Tämpo-Exzäss.
|
D Sunne am Himmel duet friehherbschtlig schyyne;
‘s trybt niene e Wölggli, wo meint, ‘s miessi griine.
Zem Apéro kaa me bald e feyne ‚Prosecco‘ schlugge,
drzue manierlig Schpägg-Gùùgelhopf vrdrugge.
S Ässe isch sy Priis wärt, schlicht aber guet,
soo dass me sicher Glùschtigs finde duet.
Mit dr Gedrängg-Usswahl kaa me scho glänze:
Es findet sich mänggs, je noch Preveränze.
Das losst sich bewyyse, so duet’s mr schyyne:
Me seht numme zfrììdeni, uffgschtellti Miine
vo Lüt, wo sich löön in gniesserische Runde,
ìhr Ässe, s Dringge samt Kaffi und Dessert lo munde.
|
 |
 |
 |
Drùff prèsentiert dr Kuno – au das isch e Hit –
si Schètzschpììl, wo‘s sy Goobekorb z gwünne git.
D Gwünnerin Erika het noo ìhrer Schètzigsrunde
näbscht em gwichtige Erfolg au dr ‚Sherpa‘ gfunde.
Alli andere wo gschètzt hän, sin lèèr ussgange,
ìhre-n-Yysatz blybt für kurz in dr Vereinskasse hange.
Vo dört duet e Deil au fürs ‚Tertianum‘ fliesse,
dass Pfläägbedürftigi dä Daag au dörfe mitgniesse.
|
 |
 |
 |
My persöönligs Fazit:
Erlaubt syg mir zem Änd numme no ei Gedangge:
Dä Aaloss het Mögligkeite zeigt, aber au Schrangge.
E frììdlige Vorschtand, e Huffe vo zfrììdene Gèscht
und Hälferhänd, bilde s Fundamänt für e glatts Fescht.
Andy Kunzelmann
|
|
