PENSIONIERTENVEREIN DER KANTONSPOLIZEI
BASEL - STADT


Herbst-Plausch 2012
vom 6. September
Hèèrbschtblausch 2012

Kùschelet d Sùnne am Mòòrge überem Nääbelschìld,
hèèrbschtelets dènn glii ùnterem Hìmmelsgfìld.
Au kaas für dr Blausch am Hèèrbscht nümmi lang goo,
wènn dr Hèèrbschtblausch bì ùns ùff em Zitblaan duet stoo.
Dr ‚Khuno' hèt hìlfriiche Lüt zue sìch aane zitiert.
D Dìsch wärde rasch dèggt ùnd hübsch dekòriert.
S ‚Vreeni' mìt ììrem ‚Pheeter' - die dien dènn äim gfalle -
löön mìt Bravuur d Zäpfe vòm ‚Bròsèggo' lò gnalle.

Alles für en Aperò - ùnd bì däm gìlts schò als Sìtte -
wäärde rììsigi ‚Spägg-Gùùgelzöpf' schiibewiis gschnìtte.
Drzue ìsch e nöii Atraggzioon mìt vò dr Bartii:
D ‚Therees Mäier' als e wòòrs Dräiòòrgle-Schenii.
Abem Elfi strööme die Iiglaadene noodisnoo aane.
D Hälfer mien sìch nìt grad dr Wääg dùùre baane.
Drzue foot d Sùnnen aa, ùnd das schlägge mr iine,
als wie grèftiger dùùr dr Hoochnääbel schiine.

Wie dr Risòttòkòch ‚Pheeter', wò bìm Riere nie schùtzlet,
wäiss au dr ‚Khuno', wie me d Steiggs gòldbruun brùtzlet.
Das Duo, ùnd drmìt die gläinscht Fäldkùchi-Brigaade,
zauberet d Mönü schöön bòrziòniert ùff e Laade.
Für e Kassiee ‚Männi', wò mr alli schmäärzlìg vrmìsse,
hietet dr gwiift ‚Francis' wìder d Kasse - das grìsse!
Ìn kürzeschter Zit ströömt s Baargäld nùmme sò iine,
waas äär ächt gniesst - wènn au mìt ärnschthafter Miine.
Dr Breesi ‚Fredy' fröits ùnd äär kaas au gniesse,
döörf är ùnseri Èèregèscht ùnd soo Mìtglììder begriesse.
Drùnter dr Kòmandant ùnd zwäi ErEr-Kandidaate:
die vò walable Barteie, nìt öbbe vò de Phiraate.

Die Kandidaate dien ooni ùnser Drùmmelfäll z gäärbe,
nùmme kùrz ùnd prègnant für ììri Aalììge wäärbe.
Humòòrvòll mäint dr Kòmandant - was mr alli begriffe -
är wöll mìt Stäägräifgsprööch nìt Bòlitigger vòrgriffe.
Är phersöönlìg miessi jò nìt wäge Stäigschìchte schwìtze,
d Komandante wùrde phèr see ùff em Gwaggelstuel sìtze.
Drnoo danggt dr ‚Khuno', e bìtzeli z liislìg, dòch mìt Stììl,
sine Hälfer ùnd ergläärt drùff aabe si Salamischnuer-Spììl.
Me söll ììri Lèngi gnau schètze, ùnd das ìn Masse,
säll spieli mìt Hoochdrùgg viil Glüdder ìn d Kasse.
Dää Root ìsch guet gsìì, dr Kässeler zèllt drùff d Noote…
Au d Vrloosig vò glatte Briis ìsch em ‚Khuno' guet groote.

S Schìggsaal suecht männgmool en äigene Pfaad.
Öbben emool ungrächt ìschs, das meini doo graad.
Das Schìggsaal duet männge dòpplet Gwünn brìnge.
Drei Phersoone sìnds, wò säll Liedli döörfe sìnge.
Ich sag d Nääme nìt, die wò doo gsì sìn, si wüsses…
Sìnge kaa au e Chöörlì - säll hèt öbbis Gwüsses.
Sini Männer und Fraue sìn däilwiis vrbandlet.
Ùm d ‚Appezäller Sìngfründe z Baasel' sìchs handlet.



Zùm Änd nò ganz phersöönlìgi Gedangge:

Dr ‚Khuno' ìsch als Organisatòòr äifach e Mäischter.
Är hèt d Ideeè ùnd mòtiviert d Hälfergäischter.
Was die gläischtet hän, das ìsch zum Schiesse.
Si döörfe am Schlùss e vrdients Gleesli gniesse.

Mìr alli hänn e sùnnige Daag dörfen erlääbe,
mìt schööne Momänt, wò me drnoo duet strääbe.
Es gìt Grùppene, wò söttigi hèèrlìg besìnge.
De 'BAP' duet das doo bsùnders guet glìnge.

Andy Kunzelmann