PENSIONIERTENVEREIN DER KANTONSPOLIZEI BASEL - STADT
gegründet 1938



Herbst-Plausch 2015
vom 3. September



Dr Hèèrbschtblausch 2015

Dä Hìtzesùmmer ìsch Legände ùnd verbii.
Dr Hèèrbscht ziet ìn ùnseri Gfìld ab sòfòrt ii
ùnd dr ‚Peetrùs' haltet - daas ùnter Drùgg -
dr Rääge wägen em Hèèrbschtblausch zrùgg.

Bi sòttigem Wätter, doo ìsch men erfaare,
strööme die Bangsionierten aanen ìn Schaare,
ìm Wüsse, ass gfèschtet wììrd - es ìsch esoo,
dènn schò wìder ìsch dr Hèèrbschtblausch doo.

D ‚Astrid' zämme mìt em ‚Mooni' bìlde, pèrsee,
für en Apèrò s pèrfäggti Empfangskòmitee
ùnd wärde drbii - was ene wìrgglìg au nützt -
vòm ‚Silvio' ùnd em ‚Francis' guet ùnterstützt.

Dr Regierigsroot ‚Baschi Dürr' - mr schètzes sèèr -
hèt dr Wääg zuen is gfùnden ùnd erwiist is d Èèr.
Dr Breesi begriesst d Èèregèscht ùnd d Gèscht,
danggt allne wòs verdient hänn ùnd eröffnet s Fèscht.


D Hùngerliider, wò seenlìgscht ùffs Ässe blange,
bìlde dròtzdäm e gsìtteti Mènscheschlange.
Dr ‚Peeter' hèt si Risòtto guet ùnd fèèrtig griert
ùnd dr ‚Thòmi' sini saftige Steigg bruun grìlliert.

Es wììrd blötzlìg stìller, me duet nämmlìg ässe,
dr Hùnger ùnd au Bräschte wäärde vergässe.
D Gsìchter entspanne sìch ùnd wäärde zfrììde.
Vòr allem wììrd niemerts vò niemerem benìide.






Es wììrd rächt häiter, dr ‚Beno' kùnnt zùm Zùùg.
Sini Schau ìsch dr Hammer - säll ìsch käi Lùùg.
Si Heli ùnd si Säägler fòlge genau sine Luune.
Drwiile kömme d Gèscht nümm uss em Stuune.

Sò, jètz ìsch nò dr Altmäischter ‚Kuno' draa.
Dä Spìtzen-Òrganisatòòr laadet ii zùr Tòmbòlaa.
Nìt ooni de Spònsòòre z dangge, wòn er au nènnt.
Das ändet mìt eme Gwünn, wènn me dr ‚Kuno' kènnt.

Käi Veräin gäbts, das möcht ich zämmefasse
ùnd käi Fèscht, ooni gniegend Stùtz ìn dr Kasse.
Guet wììrds au jètz gmacht, das seet me gnau,
vò dr ‚Alice', ùnserer ‚Kasse-Klasse-Frau'.

Dr ‚Francis' hèt d ‚Alice' nò berootend ùnterstützt,
was ììre sìcher aber au em Veräin èrscht rächt nützt.
Dr ‚Francis' wäiss nò allewiil, wie me d Fääde ziet.
Äär ìsch schliesslìg dr alti Fùggs ùff däm Gebiet.

Zfrììde prèsentiert sìch au die daatgrèftigi Drùppe.
Si wìrggt wie s rächti Gwüürz ìn ere zümpftige Sùppe.
Dä Hèèrbschtblausch mìt glatte Gèscht wììrd au Gschìcht,
ùnd drmìt au alli Väärs vò däm schlìchte Gedìcht.

Nò kùrzi Bèmèrggig zue dr Grùppefòtti:

E bsùndere Dangg gültet am Änd nò dr ‚Angela',
wò zäigt hèt, ass si dr Usslööser au drùgge kaa…

Andy Kunzelmann

(Fötteli ùnd Täggscht)
Homepage: Werner Hohler
6. September 2015