E Ruggbligg uff d Vereinsreis 2008
E gueti Fahrt, nie e Wasserschade,
bedütet d Reis mit der ,Wyyland Baade'
vo Basel bis zur Stadt ‚Brisach'.
Das isch au für e Landratte kei Sach.
Doo git's einzig e paar Wasserdropfe
wo eim by de Schleusedoor ans Hirni glopfe,
aber das allewyl ohni jedi Wucht,
vergässe wird do d Luscht uff Flucht.
Dr Kaffi, d Gipfeli und denn dr Apéro
mache die Pangsionierte meh als froh,
und s feyne-n-Ässe macht sii au satt,
drzue s köschtlig Dröpfli e bitzli matt.
Denn goht's wyter‚ joo, 's isch wunderbar,
per Reisecar noo dr Stadt Colmar.
Dört dien kitschigi Turischtezügli fahre
wo eim s Laufe dien erschpaare.
Bevor d Züügli schtarte, gilts geduldig z warte,
uff dene Bänggli, dene z kurze, harte.
Zerscht erwartet ihre Chauffeur dr Euro-Bolle,
dringgt dr Kaffi uss und losst denn d Reedli rolle.
Alli wo links und rächts uff däne Bänggli sitze,
mien wägem Räägeli überhaupt nie schwitze.
Die in dr Mitti dien drfür s Füür im Elsass gseh
die näbedraa könne au no Hüüser seh.
Denn goht's am Schluss wiider noo Basel hei,
per Car, und d Lütli mit entschpanntem ‚Schtei'.
Alli Pangsionierte hän die Vereinsreis gnosse
und ihre Präsi samt Crew e ,Mouche' gschosse.
Ich will mi Värsli uff dr Schtell beände:
Dir Fredi, Peter und Mäni e Merci schpände
für die Organisation, die isch jo mega-enorm,
nomool Danggschön, und das in Värsliform.
Andy (Kunzelmann)
|