Monatswanderung vom Juni 2009 |
Die Juniwanderung sah
wie folgt aus:
Mittwoch, 10. Juni 2009
Besammlung: 1100 Uhr Claraplatz Haltestelle Bus Nr. 55 Abfahrt: 1115 Uhr nach Rümmingen (D) Wanderung: Rümmingen-Hohe Strasse-Egerten- (Einkehr in Schenke mit Vesper), dann 20 Min. nach Wollbach, anschliessend -Rückfahrt mit Buss 55 nach Claraplatz. |
|
 |
| Dr Gedanggeschplitter Am Claraplatz zellt unsere Leiter genau: Grad zwanzig Männer plus no ei Frau. Mììr wandere zwaar by jedem Wätter, doch by Sunneschyyn isch’s eifach nätter! |
 |
Vo dört – me könnt saage ‚le Petit Bâle’ – faare mr per Liniebus ins Kandertal. Rümmige duet rächt schtolz dört lììge – e Buuredorf – rueig und gedììge. |
|
Mir laufe gmietlig und gar nit schtuur, vo dört entschpannt dùùr Fäld und Fluur uff em e fiechte Fäldwääg, und rächt bald, dùùr e wunderschööne, griene Wald. |
|
Dä Waldwääg fiehrt is – es isch famoos – über die abwäggsligsryychi ‚Hochi Schtrooss’. Zer Lingge, mìì dunggts, als wott’s eim negge, versuecht sich Wollbach im Grien z verschtegge. Und glyy druff – isch das nit digg? – het me-n-am Hang ‚Eegerte’ im Bligg, samt Schtraussi ‚Kreiterhof’ – ei Glügg – mit mänggem Buure-Sammlerschtügg. |
 |
 |
Klaar dien mììr is dört au nììderloo und löön’s is für Schtunde guet lo goo. D Wirtene Maria het alli Händ voll z due, aber niemerts bringt sìì uss dr Rueh. Kei durschtigi Keele blybt doo drogge, es fallt allewyl wìder e glatte Mogge und – me kaa das dütlig saage – nümm niechter isch nit nur dr Maage! |
|
D Perle Trudy samt de-n-alte Knaabe mien druffaabe no uff Wollbach traabe. Gäb’s d’ Grubbe nit – soo due-n-ich’s empfinde – miesst me si mit Sicherheit sofort erfinde!!! Andy Kunzelmann |
 |
|
