Dr Gedanggeschplitter
Dr Januaar ìsch – das saag ich dòch –
bekannt für eins: Fürs Januaarlòch.
Und das duet mr, ich grieg e Kriise,
mi Muuse samt em Riim vrmiise.
So het mi Wält ussgsee hüt Mòòrge;
s fiechti Wätter macht liichti Sòòrge.
Trotzdäm – nüt mìt ìn dr Stùùbe hògge.
S isch Wanderdaag – also ab uff d Sògge!
|
|
|
Noo Lieschtel faare mr mìt dr Baan
dr Nèssi zue; es ìsch dr Waan.
Wäge dère – duet me noo Auschtraalie luege –
gheie viili Hüüser uss de Fuege.
So gsee sìn mr jò viil besser draa,
bi uns hèèrscht jò au nit Noot am Maa;
Nùmme nass, aber mìt gueter Luune
kaa me gliich d Èergolz bestuune.
|
|
Natuur puur, d Sìnn uff Empfang,
so goots mìtenand däm Fluss entlang.
E Däil duet lache, en andere parliere,
e witere über Gòtt und d Wält sìnniere.
|
|
|
Ìn Kaiseraugscht stoot e Brandruiine.
Ììre Dachstògg – soo duet’s mììr schiine –
het liechterloo brènnt, und das mìt Gluet.
Mööglig, ass d Finanzwält au glii brènne duet?
|
Im Reschterand ‚Baanhof‘ wird zämmegsässe,
kiels Bier drùngge und au Zvieri gässe.
Drbii gnue gschwätzt und rächt viil glacht
und mängge lùschtige Sprùch nò gmacht.
(Gschrììbe ìm neue Baaseldütsch)
Andy Kunzelmann
|
|
Fotos:
Peter Bachmann, Werner Hohler
13. Januar 2011 |
|
