 |
PENSIONIERTENVEREIN DER KANTONSPOLIZEI BASEL - STADT |
|
Wanderung
Januar 2012 |
|
Mittwoch, 11. Januar 2012
Besammlung: 1245 Uhr Bahnhof SBB Abfahrt: 1306 Uhr nach Dornach, dann mit Bus 67 (1320) nach Gempen Wanderung: Gempen-Stollen-Schauenburg Bad-Frenkendorf, ca. 2 Std |
 |
| Wettervorhersage für den 11. Januar |  |
 |
Dr Gedanggesplìtter Aakoo mitem Bòschtauti z ‚Gämpe', nooch bìm ‚Stòlle, seen mer sòfòrt, dr Phetrùs schöpft wìder ussem Vòlle. Vòme Hìmmel kaa me nìt schwätze, s ìsch aber drògge, dr Nääbel schwäbt dieff ùnd blibt am Òrt hògge. Dr ‚Stèffi' mäint bì dr Haltstèll, är wùrdis soo dräggsle, d Rutte z ändere, dènn äär könn dr Boode nìt wäggsle. Dää sigi pflùtterig ùnd drzue schmììrig wie Angge, ùnd dää wo döört laufe wöll, rissi sìcher e Flangge. |
 |
 |
 |
 |
 |
Ìm üübrige häige mer au e bìtzeli witer z laufe; es gääb ùsser em Plaan e gläineri Zuesatzschlaufe. Nìt nùmme d Sùnne, au är, dr ‚Stèffi', sigi verdròsse: dr Bäizer ìm ‚Schauebebùùrg Baad' häigi drùmm gschlòsse. |
 |
 |
 |
|
Hè nù so dènn; so ziet dr Dròss dùrùff dùùr e Wald ùnd stoosst ùff em ‚Stòllen' ooben au schò bald ùff e mächtigi Bueche, wòne Stùùrm ùmglèggt hèt. Fascht wie z Bäärn dr ‚Hìldebrand' - doo machi e Wètt. Üübrigens z Bäärn oobe duets zùr Zit saumässig rääble. Es wììrblet Drägg ùmme ùnd duet döört au vernääble. Z hòffen ìsch es schò, ass sìch dää Stùùrm glii wìder lèggt, ùnd ass sìch drwääge d Sùnne nümm lang verstèggt. S grèftigi Dieff ‚Grìschtòff' sigs, wò z Bäärn sìg am Wärgg; es häig sìch ùffbaut über em züürcherische ‚Hèèrlìbäärg'. Ich verstand nüt vò dère Materie ùnd due mi drùmm hiete, witer z lamentiere - sùnscht kùnnt das Dieff nò doo aane go wiete! |
 |
|
Mìt söttigen ùnd andere Gedangge sìn mer zämme glòffe ùnd sìn schlùssändlìg ooni Dieff z ‚Fränggedòòrf' iidròffe. Gmietlig hänn mr ìm ‚Central' - doo döörf me drùff tippe - fein gässe ùnd au Flüssigs gnoo, füür hìnder d Bìndi z kippe. Andy Kunzelmann |
 |
 |
 |
 |
 |
 |
 |
 |
|
Fotos: Peter Bachmann und Werner Hohler Homepage Werner Hohler 11. Januar 2012 |