PENSIONIERTENVEREIN DER KANTONSPOLIZEI
BASEL - STADT
gegründet 1938




Wanderung Januar 2016



Mittwoch, 13. Januar 2016
Besammlung: 1230 Uhr, Bahnhof SBB, Schalterhalle
Abfahrt: 1247 Uhr nach Sissach, 1307 mit Bus 108 bis
Känerkinden Schulhaus
Wanderung: Känerkinden-Schönegg-Sissach,
ca. 2 Std. 15 Min.



Dr Marcel Värs

Am 13. Jänner hänn mir miesse in dr Schalterhalle SBB si
do sinn 16 Manne ko und au e Frau isch no derbi
dr Bricht vom Ruedi wäge dr kranket vom Stefi
isch nit guet, mir hoffe, är isch nögschte Mol wieder derbi

mir sinn denn alli uff e Zug und nooch Sissach gfahre
dert hämmer miesse umstiege in Bus 108 in e grosse Karre
in Känerkinde, uffs mol 19 Persone, sinn mir durchs Dorf gloffe
s` isch wie uss g`storbe gsi und me hett au niemerts troffe





An aim Huus hetts e Abau ka mit ganz kleine Fänschter dra
dert hinter de Schibe die ganzi Gschicht vom Wiehnachts Ma
Noch em Dorfussgang in dr Höchi obe hett`s aim um d` Ohre pfiffe
E saukalte Wind hett bloose und zum Glück isch nit go schiffe

Unter uns hetts no Lyt wo die Kälti nit kenne vertrage
es darf scho kalt si, 20 ° C meh, do wurd` i nyt meh sage
aber es immer dr glych, dä wurdi lieber an d`Wärmi go
und alles anderi in der Schwyz wäge dere Kälti lo stoh




dr Wanderleiter hett sich denn entschlosse au wäge dr Zyt
e Wanderig durch dr Wald steil abe z`mache es ging no wyt
die ainte hänn vorhär no ihri Wanderstöck fyre gno
dr räschte hett dä Wäg au ohni die Stöck kenne go, mit Risiko



Bevor mir sinn uff Sissach, hett me in Zunzge ebbis gseh
e Tannebaum ca. 30 m hoch ohni Aescht, das duet denn weh
In Sissach am Bahnhof hämmer wieder miesse warte uff zwai
denn simmer in D`Beiz go Pizza ässe und nochhär simmer hai




 

Anhang:

Der Schreibende wünscht trotz der schon vergangenen Tage
allen ein gutes und glückliches neues Jahr und den Kranken vor allem
gute Besserung und auf ein baldiges Wiedersehen.

Fotos:
Peter Bachmann und Werner Hohler
Homepage: Werner Hohler
15. Januar 2016