PENSIONIERTENVEREIN DER KANTONSPOLIZEI
BASEL - STADT
gegründet 1938




Wanderung Januar 2017



Mittwoch, 11. Januar 2017
Besammlung: 1400 Uhr, Bahnhof Flüh
Wanderung: Flüh - Biel-Benken - Oberwil - Binningen
ca. 2.Std. 15 Min.



Dr Marcel Värs

Zum erschte Dail im neye Johr muess ich ebbis brichte
in de Värs kemme au Mensche vor mit ihre Gschichte
d`Näme vo de einzelne und de neye sind irgend wo här
denn i kenn immer nonig alli und so sind si ohni Gwähr

In Flueh, am zwei bi dr Tramstation vom 10er Trämmli
hänn sich 17 Manne und 4 "Wybli" troffe, nämmli
1 Maa und 1 Frau sinn vom Wanderleiter vorgstellt worde
die kemme jetzt neu go wandere bi unsere grosse Horde

dr Ruedi als Wanderleiter hett g`maint mir sette alli gsund blybe
bim laufe nit z`schnäll go seggle und nit aifach yberdrybe
au s`Wätter isch guet gsi zum Wandere, au nit so kalt
derfyr uff Plotsch, Ys, Schnee und Teer bis fascht zum letschte Halt





die Route wo mir gloffe sinn hett`s denn in sich ka
me isch durch Derfer ko,links,rächts und ebbe dr Birsig, näbe dra
me hett bis uff Binnige uff dere ebbene Strecki sehr viel gseh
Bio-Taich, total verysst, Graureiher und sehr viel Bäum mit Schnee

fyr unseri Foti-Lyt isch es herrlig gsi zum e huffe Foteli z`mache
e huffe Sujet hetts geh, do wärde mir denn sicher kenne lache
mit klaine Zwyschehalt, do hett wieder aine ebber kennt
isch me nöcher zum Ziel ko und kaine vo uns hett sich verrennt


Am Schluss vo dere Wanderig sinn mir denn in`s Restaurant ko
Cafe Bijou hett`s g`heisse und dert hänn mir ebbis zuenis gno
ohni *Vorbstellig* hett me sehr viel Usswahl fyrs Aesse biko
bevor me denn dr Heimwäg unter d`Fiess hett gno

Moment mal (wie in dr Baz) !!!!

I mecht do nit ussloh nomol dänne Danggscheen d`sage
wo mir am Schluss vom Johr no ebbis geh hänn fyr dr Maage
au de Foto-Lyt, em Wanderleiter und im Präsi
d`Wanderige und Gselligkeit vo allne isch super gsi, Exgüsi.




Fotos:
Peter Bachmann, Werner Hohler
Homepage: Werner Hohler
11. Januar 2017