 |
PENSIONIERTENVEREIN DER KANTONSPOLIZEI BASEL - STADT gegründet 1938 |
|
Wanderung Januar 2019 |
|
Mittwoch, 9. Januar 2019 Besammlung: 1230 Uhr, Bahnhof SBB Abfahrt: 1243 Uhr nach Liestal Liestal ab 1305 mit Bus 71 nach Titterten Gemeindehaus Wanderung: Titterten –Abendsmatt – Wildenstein – Murenberg - Bubendorf ca. 2 Std. 30 Min. |
 |
| Dr Marcel Värs Wieder im erschte Dail vom neye Johr muess i ebbis brichte in de Värs kemme Mensche vor mit ihre bsundere Gschichte d`Näme vo de einzelne und de neye sind irgend wo här denn alli kenn i immer nonnig und sinn au ohni Gwähr Ysräage, gruusig Wätter i wär am liebschte dehaime blybe doch i ha mi zämme grisse, denn aine setti no Värsli schrybe i bi ins Tram und g`fahre mit em zem Bahnhof SBBe und derte in dr Schalterhalle hann i scho e huffe Persone gseh i ha mi düscht und ha g`maint es kämme hütte nit so viel am halbi ains in dr Schalterhalle isch Träffpunggt nit z`Zyl dert hett dr Wanderleiter scho dr Zettel fyr`s s`Aesse uume geh do hett jede/s kenne Bstellig mache was me denn will neh |
 |
 |
 |
|
dr aint und au anderi hänn no z`wenig z`morge ka drum dien die no immer am ene Y`klemmte knabbere dra he nu mir gehn denn uff Bahn und fahre uff Lieschtel uffe warte dert e bizzeli und gehn in Bus Nr. 71 uns go "verpuffe" |
 |
 |
 |
 |
|
mit em Bus fahre mir bi Buebedorf verbi uff Titterte hindere dert isch im Dorf kai Verkehr wo uns duet behindere mir stiege uss däm Bus und es schneyt und windet in jedi Richtig i mecht no mälde es sind 21 Ma, 6 "Wybli" das isch no wichtig dr Ruedi hett no e paar wichtigi Wort dert verluute loh e paar hänn das wieder wie immer emol gar nit mit bekoh 2 Männer sind au no mit uns ko mit gähle Weschte a me weiss nit was die zum Brodäscht wänn sage dra !! |
 |
 |
 |
 |
 |
 |
|
he nu mir sinn denn wyter g`loffe bi Wind und Schnee är isch dr querwäg ko me hett fascht nyt meh g`seh dr richtigi Wäg hett meh nit alles kenne duure wandere Holzschlag, staili Abhäng, me hett dert Rücksicht gno fyr die ander |
 |
 |
 |
|
nooch ca. 11/2 Stund hett uns dr Sturm und Schnee denn verloh mir sinn scho in d`nöchi vom Schloss Wildestai ane ko zwysche yne hett me no e huffe Schöf g`seh in dämm Schnee i waiss nit wo die kenne frässe, denn es hett jo gar kai Klee |
 |
 |
 |
 |
 |
 |
 |
 |
 |
 |
 |
|
he nu mir sinn denn g`wanderet abe gege Buebedorf zue bi de aine oder andere hett ebbis druggt, aber nit dr Schueh im Dorf hett me uume g`gluegt wo die Baiz kennti si me hett uns Uuskunft geh in zwai Minute kunnt si gli dert sinn mir denn y`droffe alli zämme zuem Aesse dr Schneesturm und Wind hänn mir denn scho vergässe jetzt zum Schluss vo de Värs und dr Afang vom neye Johr wynsch i allne alles Gueti, vor allem Gsundheit, jo s`isch wohr |
 |
 |
 |
 |
 |
 |
 |
 |
 |
|
Fotos: Peter Bachmann und Werner Hohler Homepage: Werner Hohler 12. Januar 2019 |