PENSIONIERTENVEREIN DER KANTONSPOLIZEI
BASEL - STADT
gegründet 1938




Wanderung Januar 2020



Mittwoch, 15. Januar 2020
Besammlung: 1315 Uhr, Bahnhof SBB
Abfahrt: 1343 nach Liestal
Wanderung: Liestal - Kaiseraugst
Dauer: ca. 2 Std.

Dr Marcel Värs

Wieder im erschte Dail vom neye Johr muess i ebbis brichte
in de Värs kemme Mensche vor mit ihre bsundere Gschichte
d`Näme vo de ainzelne und de neye sind irgend wo här
denn alli kenn i immer nonnig und sinn au ohni Gwähr

dr 15.ti Jänner im 2020 Sunneschyn und ebbe zäh Grad
do stehn si im Bahnhof SBB am viertel ab ains und sinn barad
24 Manne und 7 * Wybli * und diesmol kai Hund derbi
eso viel wo wänn go wandere und erst no derbi wänn si

me hett sich denn uffgmacht und isch in Zug nooch Lieschtel
so viel ich weiss bi aber nit sicher au mit dr " Christel"
dert a ko sinn au no zwei gstande wo hänn welle mit uns ko
mir hänn das sicher verstande und hänn si nit derte glo

dr Wanderleiter hett denn dr obligati Aess-Zettel ume geh
dert hett me kenne ischrybe was me zum Aesse will neh
är sälber isch nit mit uns gloffe es goht noonig so guet
hett s`Zepter zum laufe im ene andere geh diesmol aim ohni Huet

he nu mir sinn durch`s Stettli gloffe gege dr Fluss Ergolz zue
dert hett numme s`Wasser plätscheret und sunsch ai Rueh
leider hänn mir au durch Industriegländ miesse go
au e Umwäg miesse mache wäge div. Baustelle und so



was mir uffgfalle isch bi dere lange Flachetappe
sìsch kaine schnäll gloffe und hett sich nit lo ertappe
me hett denn uff däm Wäg no vieli Hündeler /innen gseh
au e Graureiher am andere Ufer hett me kenne seh


noch ca. 1 ¾ Stund hänn mir s`Dorf Kaiseraugst kenne g`seh
das wärs s`Aendzyl vo unsere Wanderig o das duet denn weh
mir sinn denn dert in`s Bahnhof Baizli go aine neh
au s`vorbstellti Aesse hänn sie den uns no miesse geh





es isch guet gsi und alles isch denn au no schnäll ko
bi 33 Nase isch das nit sälbstverständlig das muess meh loh
jetzt zum Schluss vo de Värs und dr Afang vom neye Johr
wynsch i allne alles Gueti vor allem Gsundheit jo s`isch wohr
Fotos:
Peter Bachmann und Werner Hohler
Homepage: Werner Hohler
17. Jamuar 2020