 |
PENSIONIERTENVEREIN DER KANTONSPOLIZEI BASEL - STADT gegründet 1938 |
|
Wanderung Februar 2018 |
|
Mittwoch, 14. Februar 2018 Besammlung: 1300 Uhr, Bahnhof SBB, Schalterhalle Abfahrt: 1313 Uhr nach Rheinfelden Wanderung: Rheinfelden – Olsberg – Arisdorf Dauer: ca. 2 Std. 30 Min. |
 |
 |
| Dr Marcel Värs 6 Tag vor em Morgestraich hänn mir dr Termin ka Träffpunggt Schalterhalle SBB 13oo 1 Frau und ca. 20 Maa s`Wätter isch guet gsi, me hett do gar nyt kenne sage e paar vo uns hänn scho ebbis gässe fyr dr Maage do sinn mir mit dr Bahn uff Rhyfälde uffe g`fahre dert ussg`stiege, aber diesmol nit in e grosse Karre dr Wanderleiter hett wieder emol dr Bstellzettel umegeh dert hett me kenne s`Aesse bstelle wo me in dr Baiz will neh |
 |
 |
 |
|
do sinn scho wieder e paar ab`gschliche und wyt voruss gloffe das hett dr Ruedi möge und hett en au schwer troffe bim nögschte Halt hett är emol dytlich g`macht wo`s lang söll ko sunsch duet är als Wanderleiter uff here und uns ellai lo go he nu mir sinn denn durch dr Wald in d` Höchi uffe gloffe e huffe Bäum vom Sturm hänn mir dert liegend näbem Wäg a`droffe d`Wurzle wenn me do no ka yberhaupt rede vo dene Bäum sinn dert sichtbar gsi yberem Bode, i glaub i träum |
 |
 |
 |
 |
 |
 |
 |
 |
|
mir sinn denn emol uffe und denn wieder abe gege Olsbärg zue dert hett aine g`maint me kennti nur in Stift ohni Schueh me hett denn Stift Olsbärg ussgloh und isch wyter gloffe gege Arisdorf zue, do hänn mir e wirggligi Yberraschigg a`troffe |
 |
 |
 |
|
am Waldrand bi n`ere Waldhütte hett`s e Apero geh s`Raubers hänn dä g`spändet und mir hänn ebbis kenne neh s`hett Gipfeli ka, Gebägg und au Wasser, Orangesaft und Wy mir dangge im Marlies und Kurt, do sinn mir denn allewyl derby |
 |
 |
 |
 |
|
nooch däm Apero isch es abe gange gege s`Dorf Arisdorf zue do hetts scho wieder e Schuppe ka mit Alk……me loht uns kai Rueh Obschthandel und Brennerey hett`s g`haisse dert E. Zuber AG au dert hett me kenne ebbis boschte und au no aine neh… |
 |
|
nooch däm Abstächer in dämm Lade sinn mir denn in Baiz go ässe im hintere Tail vom Ochse sinn denn alli verteilt dert ume g`sässe bis das Aesse ko isch hett`s ai Wort um`s andere geh denn noch em Aesse hett me d`Fiess zum Haim go kenne neh |
 |
 |
 |
 |
 |
 |
 |
|
und jetz wünsche mir, allne e wunderschöni Basler Fasnacht |
 |
|
Fotos: Peter Bachmann Homepage: Werner Hohler 17. Februar 2018 |