PENSIONIERTENVEREIN DER KANTONSPOLIZEI
BASEL - STADT
gegründet 1938




Wanderung Februar 2020



Mittwoch, 12. Februar 2020
Besammlung: 1315 Uhr, vor Bahnhof SBB
Abfahrt: 1327 Uhr mit Tram 10 nach Därwil, Zentrum
Wanderung: Therwil - Bruderholz - Basel
Dauer: ca. 2 Std.



Dr Marcel Värs

s`Wätter isch durchzoge Wulgge zäh Grad aber kai Räage
fyr s`wandere mit andere isch das e grosse Säage
dr Träffpunggt isch am viertel ab ains vor em Bahnhof SBB
dr Wanderleiter hett g`maint mir sette den s`Zähner Tram neh

es sind denn zwische 10 und 15 Teilnähmer dert ynegstiege
i ha si nit genau zellt und will mi do au nit verbiege
mir sinn den uff Therwil g`fahre zur dertige Dorf-Station
dert sinn denn no e paar derzue ko das isch denn dr Lohn


g`wanderet sinn denn 21 Männer und no zwai * Wybli*
diesmol ypaggt in Winter Ussrischtigg nit mit lose Lybli
vo Therwil sinn mir denn uffe uff Froloo ohni Wanderleiter
är hett wieder ebber ka wo ihn verträtte hett ebbe * leider*

dä Wäg isch au durch dr Wald bi m`ene Grillplatz verbi
au lingger Hand e Elektroalag mit grösserem Strom derbi
au d`Fittness vo alle Teilnähmer isch e heruss forderig gsi
d`Sabine hett`s brocht Bäum hett me umgo ob gross oder gli


mir sinn denn alli bim Predigerhof verbi und gege Basel
bi de Familie Gärte git`s e Apero das isch kai Gfasel
mir hänn kenne ebbis sürfle knabbere bi Cristine und Heinz
bevor mir bi dr Kunschti verbi gange sinn in die nögschti Baiz

d`Yberraschigg mit em Apero isch denn au ganz guet glunge
mir dangge nomol dene zwai mit viel Härz und au Zunge
i ha wieder emol ebbis vergässe wo i no ha welle schrybe
ebbe 24 Störch im untere Fäld no de Gärte wo no do sinn blybe




in dr nöchi vom Bahnfof SBB sinn mir in`s Rest Bundesbahn ko
dert hänn mir denn unser in Therwil vorbstellti Aesse biko
mit de 2 Apero- Gäber isch d`Azahl vo de Teilnähmer bi 26 gsi
dr Präsi isch denn au no ko är isch halt yberall derbi




Fotos:
Peter Bachmann und Werner Hohler
Homepage: Werner Hohler
14. Februar 2020