 |
PENSIONIERTENVEREIN DER KANTONSPOLIZEI BASEL - STADT |
|
Wanderung
März 2012 |
|
Mittwoch, 14. März 2012
Besammlung: 1215 Uhr Bahnhof SBB Abfahrt: 1237 Uhr nach Grellingen, dann mit Bus 117 (1258) nach Himmelried Wanderung: Himmelried-Unterackert-Dietel-Bretzwil, ca 2 Std 15 Min. |
 |
| Wettervorhersage für 14.03.12 |  |
| Dr Gedanggesplìtter Dä Mèèrzen ìsch dòch e käibe Rääbel: Am Mòòrge aggdiviert äär dìgge Nääbel ùnd lòsst dènn gnäädigscht, Hèèrgòtt iine, geegen e Mìttag ändlig d Sùnne schiine. Die Wanderig gieng, gmääss Prògnoose, die am Radio z loose, kuum ìn d Hoose: So faart dènn s Wandergrüpplì mìt Elaan ùnd guet gluunt ùff ‚Grällige' mìt dr Baan. |
 |
 |
 |
 |
 |
|
Witer ròlle mr dènn spööter ooni Gmòscht, ìm gäälen Auti zue dr Haltstèll ‚Bòscht' ùff Hìmmelried - achtzää Gsèlle mìtenand - ùffeme schööne Blätz Schwarzbuebeland. |
 |
 |
 |
 |
 |
|
Ab jètz wanderet me über Fäld ùnd Fluur dùùr e zrùggblììbene, rueige Flägge Natuur. Dr Wìnter lòsst, allewiil mee ùnter Drùgg, gliich nò veräinzelt Schneefälder zrùgg. |
 |
|
Dr ‚Stèffi' muess gò Schnälllöiffer zrùggbìnde: Am ‚Hòmbäärg' hämmer e Stiigig z überwìnde. Vò döört oobe laufts rùnd ùnd aabe mìt Rue, gmietlig em Baaselbieter ‚Brätzbel' zue. |
 |
 |
 |
 |
 |
 |
 |
 |
 |
 |
|
Noo soviil zrùggblììbener und rueiger Natuur, bruucht me dènn Fueter für die blògti Figuur. Mìt viil Drìngge, drzue Wùrschtsalaat mit Fritt, halte sìch ìn dr ‚Iidracht' die Hùngerige fit. |
 |
 |
 |
 |
 |
 |
 |
|
Nìt rùnd ìschs mìt Rùndem gèschter z Münche glòffe: Verwäägeni hänn wölle ùff Münche goo ùm em Bäier sini Lääderhoose aabezloo. En Òòrfiige hèts gää, ùnd die dört mìt Gnall: Hoochmuet kùnnt halt allewiil vòr em Fall! Andy Kunzelmann |
|
Fotos: Peter Bachmann und Werner Hohler Homepage Werner Hohler 15. März 2012 |