 |
PENSIONIERTENVEREIN DER KANTONSPOLIZEI BASEL - STADT gegründet 1938 |
|
Wanderung März 2017 |
|
Mittwoch, 15. März 2017 Besammlung: 1245 Uhr, Bahnhof SBB Abfahrt: 1306 Uhr, nach Grellingen Wanderung: Grellingen - Zwingen - Laufen ca. 2.Std. 45 Min. |
 |
| Dr Marcel Värs Wäge der Fasnacht hänn mir e Wuche verschiebe miesse trotzdäm hett dr Ruedi 17 Maa und 2 * Wybli* kenne begrieese am viertel vor ains isch dr Träffpunggt in der Halle gsi aber vonere Schalterhalle ka do jo kai Reed me si he nu, mir sinn denn mit dr Bahn uff Grällige bis denn sinn no 3 Maa derzue ko vo uns Gsellige vo dert hett denn d`Wanderig a`fange gege Laufe zue s`Wätter hett mitgspielt me hett kenne laufe in de Wanderschueh |
 |
 |
 |
|
Aa jää, sie! normalerwys mien mir no e Bstellig uffgeh fyrs Aesse i bi sicher aber dr Ruedi hett das sicher nit vergässe e bizzeli spöter kenne dr Feschtstelle wieso das so ko isch do hett ebber ebbis organisiert damit mir nit sitze vor leere Tisch |
 |
|
die Wanderig hett uns bim bekannte Chessiloch duuregfiert aber eso wie ich das feschtgstellt ha, hett das niemerts intressiert mir sind denn uff em Wäg alles der Birs entlang und näbedra hett`s ka vo dr Bahn dr Ysestrang |
 |
 |
|
au e Lawineverbauig hett`s wäge dr Bahn derte kaa vo Schnee kai Spur uff dämm Hügel näbedra wo mer den gege Zwinge ganz " langsam" zue sinn ko hänn uns nur kurz dr Heinz und dr Rolf zuemene Umtrunk verloh |
 |
 |
 |
 |
 |
 |
|
e Schwimmbad, e Sportplatz, alti Fabrigge uff em wäg gege Laufe alles zue, kai Schwumm, kai Sport und me hett nyt kenne kaufe mir trampe den durch laufe bim grosse Bahnhof verbi und sehn vo wytem das Rest / Bistro Loki und dert kehre mir i |
 |
|
Jo dr Wirt mi em Name Fritz in dämm Lokal dä macht e huffe Sprüch und no gueti s` ìsch genial är hett e gueti Luune ka und sich nit Lumpe loh mir hänn vonem fyr alli g`spändet grossi Uffschnitt-Täller biko dr Steffi isch au derte gsi und i hätt ihn fascht vergässe är isch scho länger dert vorusse und den dinne gsässe im Wirt mecht i do im Name vo allne no dankscheen sage e paar vo de Sprüch hett au uns betroffe, au die wärde mir vertrage |
 |
 |
 |
 |
 |
|
am Schluss vo dere scheene Wanderig mit Aesse und * Tringge* dien sich alli bim Baizer bedangge und au no adyee wingge eso wäge dr Fasnachtswuche Peperoni und Glettyyse mache wyter die nögschte 20 Johr das isch nit glooge, es isch aber au nit wohr.!!!! |
|
Fotos: Peter Bachmann Homepage: Werner Hohler 19. März 2017 |