PENSIONIERTENVEREIN DER KANTONSPOLIZEI
BASEL - STADT
gegründet 1938




(keine) Wanderung März 2018



Mittwoch, 14. März 2018
Besammlung: 1345 Uhr, Claraplatz
Wir besuchen das Museum: Wunderwelt der mechanischen Musik




Dr Marcel Värs

Träffpunggt ney bi dr Clarekirche am viertel vor zwai
dert hänn sich troffe 18 Männli 1* Dame*, i bi diesmol nit ellai
punggt viertel vor hett dr Organisator Ruedi s`Programm duure geh
was mir als erschtes mache und das mir am Schluss kenne eine neh

vo dr Kirche sinn mir denn g`loffe zum Claregrabe ebbe 100 m fire
denn nooch rächts gege dr Wettstaiplatz bis Huus 37 grad vor Türe
do isch dr Museum Ydritt fyr ins hintere neye holzige Hinterhuus
dert hetts Orgele, Muusigdose, Plattegrät, etc. ka, kunsch nyme druus




dr Bsitzer Peter Rohrer hett uns alles erklärt und hett au Muusig gmacht
bi verschiedene Grät hett`s au luschtig dehnt und mir hänn g`lacht
nooch dämm Bsuech hett`s im Zält im Hof no e Apero geh
s`hett ebbis zum knappere ka und au * Wasser* hett me kenne neh







dr Värsli-Brinzler Andi hett`s wieder paggt und hett ebbis g`schribe
au vor gläase und im Geschtebuech verewigt, dert wird`s bliibe
nooch dämm Bsuech hänn mir uns verabschiedet vom Muusig-Maa
danggscheen g`sait und sind denn wyter mit guete Gedangge dert dra


jetzt hett`s e Monschtermarsch geh ca. 5 min. in d`Rhygass aabe
dert bim Hirscheegg verby und zum Rest. Sunne dert scho wieder warte
wo denn alli dert sind gsi, hett me kenne ändligg in die Baiz
d`inne Irichtigg isch no scheen gsi und hett no e g`wisse Raiz


mir hänn dert kenne ebbis ässe und au no ebbis s`tringge neh
ebbis hett g`happert bim b`stelle und hett e Missverständnis geh
aber was soll`s, es isch wieder emol e gmietlige Tag gsi
fyr alli wo do derbi gsi sinn, hänn ebbis erläabt und kenne z`friede si

so no di no hänn zum Abschied e paar dr Hinterussgang gno
au die räschtligge hänn nooch em Matsch denn kenne Haime goh
i mecht no allne dangge das si bi dämm Bummel-Mittwuch au sind ko
am 11. April wäre mir wieder so z`wäagg und kennte wieder i stoh


Die Fotos im Museum sprechen für sich, Kommentar überflüssig!!!!

Fotos:
Peter Bachmann und Werner Hohler
Homepage: Werner Hohler
17. März 2018