Dr Gedanggesplìtter
Me kaa dòch saage, was me wòtt,
dr Phetrùs benìmmt sìch hütt ganz flòtt.
Äär hèbt dr Aprìlle fèscht ìm Zaum;
esoo ne Aprìllewätter isch e Draum.
D Thämphèratuur ìsch früsch, nìt kalt,
drùmm dräffe si sìch spòòrtlìg halt
die grifte, hònòòrige Wandergsèlle,
zùm ene Huffe, wò sich kuum lòsst zèlle.
|
|
Mìt dr Baan goots dènn ùff ‚Sissech' ùffe,
me wòtt schliesslig käini Grèfft verbùffe.
Drùff kùnnt d Faart pèr Bòschti äins nùll acht
ùff ‚Wìttisbùrg', wòs e suubers Hältlì macht.
Vò döört laufft die mùnteri Wandergrùppe,
aagwaggse scho fascht zuenere Drùppe,
gmietlìg ùffeszue Rìchtig ‚Käänerkìnde'.
Am Wääg löön sìch gääli Söiblueme fìnde.
|
|
|
D Bluescht haut äim noonig uss de Sògge,
dr Booden ìsch üüberall äifach z drògge.
Söi gniesse d Sùnne, ùnd das zùm Zwägg:
Saftige Schìngge, Hals ùnd e Huffe Spägg.
|
|
Käi Bäärgbaan gìts, mìt oder ooni Büügel.
Mìr göön alsò ìm Wääg noo über e Hüügel.
Au dr Èltischt zäigt sìch überhaupt nie bìtter
ùnd ìschs noo sò stòtzig ùffs ‚Haasegìtter'.
Es goot denn dùùrab uff ‚Läuffelfìnge',
ìm ‚Baanhoof' wämmer nò Zit verbrìnge.
Käi Keele blibt in dère Bäiz dört drògge,
ùnd für e feins Zoobe, doo blibt me hògge.
Andy Kunzelmann
|
|
Fotos:
Peter Bachmann, Werner Hohler
14. April 2011 |
|
