 |
Jubiläum 75 Jahre PENSIONIERTENVEREIN DER KANTONSPOLIZEI BASEL - STADT gegründet 1938 |
|
Wanderung März 2013 |
|
Mittwoch, 10. April 2013 Besammlung: 1230 Uhr Bahnhof SBB Abfahrt: 1250 Uhr nach Laufenburg, dann mit Bus (1337) nach Bürensteig (Passhöhe) Wanderung: Bürensteig-Laubberg-Mettau (AG), ca. 2 Std. 30 Min. |
 |
 |
| Dr Gedanggesplìtter Ändlìg, nooneme Halbjòòr - sùnnenarm ùnd ruuch - schiints, dr Wìnter verlieri si Grafft, si kalte Huuch, ùnd dr Frielig zäigt Aasätz, mìt schwachem Mùggse, verspöötet in Richtig vò ùnsere Regioone z grùggse. Ùnbeidrùggt vò däm, faart is d ‚S1' faarplaanmässig, zùm Stèdtlì ‚Lauffebùùrg' aane, daas am Rii aasäässig. Mìt em Bòschtauti goots dernoo zùm ‚Büürestäig' ùffe. Vò döört wänn mr z Fuess witers, ùm d Grèft z verbùffe. |
 |
 |
 |
 |
 |
 |
 |
Glii gniesse mr dr Blìgg ùffs Buuredòrf ‚Gansigen' aabe. D Striemen ìm Wèschte künden aa: "Ìm Rääge draabe!" Mi Befüürchtig schloot men ìn Wìnd - mìr wìrd nìt glaubt. Vòr ‚Mettau'- zwäi Stùnde spööter - wìrd d Illusion graubt. Ùff em ‚Laubbärg' stoot e Kapälle, ùnd mìr ziets ìns Òòr. Mi Höörorgaan reagiert ùff dä Zùùg mìt weenig Humòòr. Mini alten Òore, die schètzes, wènn i mìt ene due loose, hasses aber, wènns öpper wògt, ìn ììre Gang iine z bloose. |
 |
 |
 |
 |
 |
 |
 |
 |
 |
 |
Dr ‚Stèffi' waarnt: "Dr Grüzwääg ìns Daal, dä ìsch stäil, ùnd fallt men ùffs Hìnder, ìsch es emänd nümme sò häil." D Grüzwääg-Daafele, si saage: "D Wält laufft verkèèrt, ùnd d Mènschhäit hèt bìs hütte nò ìmmer nüt glèèrt…" |
 |
 |
 |
 |
Z ‚Mettau', vis-à-vis dr Kìrche, stoot die gaschtlìgi ‚Lìnde'. Döört dien mr is zùm ene zümpftige ‚Zvieri' iifìnde. Aaber au ìn dr Barogg-Kìrche ìsch me guet ùffghoobe: Ììri Rue, die beräitet äim vòòr, für en Ussglang am Oobe. |
 |
 |
 |
 |
 |
 |
Mini Gedangge ìn dr Kìrche zùm Grüzwääg ände bìmene Gliichnìs. Es ìsch nìt uss dr Bììble, hèt aber e Bezùùg zuemene aggtuelle Brènnpùnggt, wò d Wält möögligerwiis nò witer beschäftige könnti: E Zauberstìft füürlet ùnd fìndet drbii käi Rue. Die ganzi Wält luegt wie bannt ììm bìm Füürle zue. Äär bloost, sò fèscht er kaa, ìn e Hüffelì Gluet. S Füür wò ììm nìt groote wòtt, stäigeret si Wuet. Dä Stìft ìsch umgää vò viilen ergääbene Wääse. Die fùnggziòniere ìn sim Riich wienen iisige Bääse. Wèll em dr Schnuuf fäält, reagiert äär verdròsse ùnd suecht jètze Wìnd - dròtzig, zue allem entschlòsse. Är fìndet ìm Zauberbuech - fäärn ìm Òschte hìnde - dr Zauberväärs, wie me füürhäiss lòsst wìnde. D Waarnig überseet dä Gnòòrzi, vòrem häisse Wìnd, wò als Füürwalze zrùggschloo kaa - an äigene Grìnd. Dä Zauberlèèrbueb - är stoot gfäärlìg dieff ìm Schìlf, hèt d Übersìcht verlòòre - bruuchti Zauberbuech-Hìlf, ass är d Stèll fìnde kaa, wò ìim wìrgglìg könnti nütze: Sälber dr Rangg z fìnde, sìch vòr sich sälber z schütze… Andy Kunzelmann |
|
Fotos: Peter Bachmann und Andy Kunzelmann Homepage: Werner Hohler 12. April 2013 |