PENSIONIERTENVEREIN DER KANTONSPOLIZEI
BASEL - STADT
gegründet 1938




Wanderung April 2016



Mittwoch, 13. April 2016
Besammlung: 1230 Uhr, Bahnhof SBB, Schalterhalle
Abfahrt: 1247 Uhr nach Sissach mit Bus 108; ab 1307, nach Känerkinden
Wanderung: Känerkinden - Hölstein, ca, 2 Std. 30


Dr Marcel Värs

Am morge ha ich kurz zum Fänschter ussegluegt
hett das g`schüttet, hoffentlich kunnt das bis zum Mittag guet
do sinn doch e paar Optimischte in der Schalterhalle gsi
ebbe 13 Wanderfreudigi, dr Ehre-Präsi isch au derbi

Am viertel vor ains sinn mehr denn mit dr SBB uff Sissach g`fahre
dert sind mir in Bus 108 noch Känerkinde, in däm grosse Karre
Im Bus hett`s wie allewyl e Zettel ka fyr s`Aesse z`bstelle
dr Ruedi B. hett g`merkt das no 2 derzue ko sinn, wo mit hänn welle


Also wo mir uss em Bus ussstiege sinn, simmer 15 Persone gsi
vo dene sinn denn 13 Männer und 2 exgüsi " Wybli" derbi
jetzt hett d`Wanderig a`gfange und no immer ohni Rägetröpfli
denn hetts a`gfange Rägne uff alli *Wandererköpfli *

Es isch nit lang gange, jetzt hett jedes/jede dr Rägeschutz fyre gno
denn es hett jetzt g`schüttet und es isch ebbis abe ko
zum Glück isch das nit so lang gsi und mir hänn in Schärme kenne go
in Diegte hänn mir bi dr Tochter vom Ruedi B. e Apero biko






Mir mechte do nomol danke fyr die Yberraschig mit Imbiss
denn nochhär hämmer miesse in d`Höchi uffe mit e huffe Biss
Uff däm Wäg gege Hölstein hett`s denn wieder a`fange schiffe
I ka das nit verstoh, immer a-und abzieh , i ka das nit begriffe

Gege Hölstein abe isch`s denn no ziemlich Steil gsi
E paar hänn no Stöck brucht und au e Seil isch no derbi
Nei, jetzt ha i do e weneli yberdribe, he jo
Mir sinn durch`s Dorf g`gloffe um ändlig in di Baiz z`ko

In dr Baiz de glaubsch es nit, sinn no 2 vo uns dinne g`hoggt
aine derfo isch dr Steffi gsi, dr ander hett dr Computer bloggt
dr Joe isch zur falsche Zyt in d`Schalterhalle ko
denn hett är halt spöter dr Zug in Basel und in Lieschtel gno

He nu mir hänn dert kenne ebbis trinke und Aesse
und dr Räge wo uns e bizzli Mieh g`macht hett, z`vergässe
es isch trotz allem wieder e schöne Tag gsi mit Yberraschige
bevor mir sinn haime gange und in`s Waldeburgerli sinn igstigge

Fotos:
Peter Bachmann
Homepage: Werner Hohler
16. April 2016