PENSIONIERTENVEREIN DER KANTONSPOLIZEI
BASEL - STADT
gegründet 1938




Wanderung April 2017



Mittwoch, 12. April 2017
Besammlung: 1230 Uhr, Bahnhof SBB
Abfahrt: 1247 Uhr nach Liestal, Bus 72 nach Büren
Wanderung: Büren - Sichtern -Liestal
ca. 2.Std. 30 Min.



Dr Marcel Värs

Vor dr Ostere hänn mir no e Blueschtwanderig unternoh
us däm Grund sinn mir in dr Bahnhofhalle zämme ko
am halber ains z`mittag hett me miesse derte si
es sinn denn zämme ko ebbe 18 Männli und drey "Wybli"

Mit dr Bahn vo dr SBB sinn mir den uff Lieschtel g`fahre
dert umgstiege in dr Bus noch Büre, aber nit an dr Aare
In Büre an dr Haltstell vom Bus hett`s denn in sich ka
dert hett sich no aine g`mäldet wo no mit " wot gah"




es so sinn mir denn vor d`Wanderig agfange hett
mit zwanzig Manne und drey Fraue bald komplett
wie allewyl fascht ohni Usnahm hett dr Ruedi ebbis welle
he jo mir hänn uff em Zettel s`Aesse wieder miesse bstelle

mir sinn denn vom Dorf langsam in d`Höchi uffe
e jede/s hett e bizzeli Luft miesse hole zum au schnuffe
uff em Wäg zum nögschte Dorf hett`s Bluescht-Bäum ka
es isch e Traum, wo me in dr Stadt jo nümme ka ha



In Nuglar hett me e kurzi Pause gmacht um ebbis neh
denn hetts g`haisse mir mien wyter es git no meh
wo mir denn gege d`Sichtere ko sinn me hetts g`hert
sie hänn dert g`schosse, mi hett das e bizzeli g`stehrt

No in dr nöchi vom Schiessstand hett`s e Flugfäld ka
dert sinn Modällflieger umgstande mit e paar Ma
e paar vo uns hänn sich intressiert fyr das Hobby dert
zum Glück sind die Flugi nit in dr Luft gsi me het au nyt ghert



he nu mir sinn denn in`s Rest. Sichterehof go ebbis neh
das wo mir scho länger bstellt hänn hetts denn au geh
Y dangg fyr das Ständeli und au fyr Geburi-Karte
jetzt derf i scho wieder e Johr uff dr nägschti Geburi warte



dr Ruedi hett no ebbis ka wäge em Ussflug mit Aesse
är duet no allne schrybe me soll das jo nit vergässe
e paar vo dr Wandergruppe hänn speter denn no di no
d`Baiz verloh und dr Haimwäg nooch Lieschtel gno

Dä Bummel i muess do au emol in eigener Regie ebbis sage
hett mi nit umgrisse, s`ìsch nyt los gsi, trotz mim volle Maage
zwei wichtigi Persone sind nit aawäsend gsi wenn ebbis lauft
i glaub die sinn in grosse Kanton und hänn dert ebbis kauft.!!!!!!!

I hoff dä Mogge kenne die zwei mit linggs vertrage
wenn sie nögscht Mol wieder derby sinn, wird i inne das au sage.


Fotos:
Peter Bachmann, Werner Hohler
Homepage: Werner Hohler
15. April 2017