PENSIONIERTENVEREIN DER KANTONSPOLIZEI
BASEL - STADT


Wanderung
Mai 2012
Mittwoch, 9. Mai 2012
Besammlung: 1315 Uhr Allschwil Dorf ,Tramschlaufe
Abfahrt: 1324 Uhr mit Bus 33 nach Schönenbuch
Wanderung: Schönenbuch-Eichwald-Liebenswiller- Rodersdorf, ca. 2 Std. 30 Min.


Dr Gedanggesplìtter

Gèschtert mòòrge hani ärnschthaft dänggt,
dr Wandergnùss, dä blibt beschränggt.
Dènn zem Pheetrus gsäit: "Ich haas begrìffe;
lòsches wìrgglìg esoo dr ganz Daag schìffe?"

Ùm d Mìttagszit goots dènn per Drämmlìfaart,
noo Allschwil-Dòrf zem Wanderigsstaart.
D Sùnne schiint schüüch dùùr Wòlggelùgge,
ùnd dr Rääge duet sìch drùff verdrùgge.

Mìteme BeVauBe-Bùss mìt defäggter Düüre,
kùnnt men äinewääg ùff Schöönebuech füüre.
Me, das häisst zwanzig Maa - die zwääg -
laufe vò döört uss ùffeme Wanderwääg.

Die Wanderrutte fiert is alli zämme schò bald
dùùre sattgriene Fòrscht mìt Naame ‚Eichwald'.
Ùff däm pflùttrige Pfaad laufe mr nümme zaggig,
drfüür mìt Schuesoole äänlìg ere Fangò-Paggig.

Die hèt is èèrligerwiis grad gaar nüt gnützt,
drfüür d Hoosestööss bis ùnters Fùùdi vrsprützt.
Das ìsch jò nìt schlìmm; joo, sigs halt esoo -
Wöschmaschììne gìt's - ùnd dr Mäien ìsch doo!
Genau dènn spriesse - wie all Jòòr wììder -
Greeser, Blueme, Böim, samt Flììder,
ùnd schwängere zämme die früschi Maielùft
mìt ganz emene wüürzige Blietedùft.

Uss em Wald uuse - jètz wìrd's geniaal -
S Fìrmamänt zäigt sìch hèèrlìg, wit s Läimedaal.
D Landskroon bìs ‚Roodersdòrf' hèt glaari Sìcht;
die Bòschtkaarte-Stìmmig ìsch e Gedìcht.

D Roodersdòrfer Kìrche samt em Dòrfkäärn
ìsch en Augewäid, ùnd die hèt me gäärn.
Dr Fòtigraaf, wò si Gräät duet bediene,
stoot drfüür äxtra zèrscht uusen ìns Griene.
'


Ìm ‚Calvados' - also bì Roodersdòrf hìnde -
duet die Mai-Wanderig ììren Abschlùss finde.
Dr Fläischkääs döört dääti Wanderer gwääle.
S Lamm mìt de Biilage wùrdi wìder usswääle.*
*None Gedangge ganz zem Schlùss:

Gwäält hänn jò au d Griechen ùnd Franzoose.
Viili Lütt mäine jètz, daas gieng in d Hoose.
Ìm Öiro-Ruum wùrd me sìch als wie mee zangge,
ùnd Zògger wètte haart ùm e stargge Frangge.

Andy Kunzelmann
Fotos:
Peter Bachmann und Werner Hohler
Homepage Werner Hohler
11. Mai 2012