PENSIONIERTENVEREIN DER KANTONSPOLIZEI
BASEL - STADT
gegründet 1938




Wanderung Mai 2016



Mittwoch, 11. Mai 2016
Besammlung: 1150 Uhr, Bahnhof SBB, Schalterhalle
Abfahrt: Basel SBB ab 1217 nach Gelterkinden mit Bus 102 ab 1240 bis Kienberg
Wanderung: Kienberg - Wittnau , ca. 2 Std. 30



Dr Marcel Värs

Kunsch zum Trämli usse und lauf gege d`Schalterhalle
sesch die Randständige dert wo suffe und umme lalle
das isch e Abligg fyr Tourischte und Pändler o je
die sett me anderscht plaziere, das duet sicher nit weh

I kumm in d`Schalterhalle und was g`sehni denn do
es isch elfivierzig Minute und seh vier Kamerade derte stoh
in kurzer Zyt vo e paar Minute, die hänn glänggt
do hänn doch no e paar an unseri Verabredig dänggt

Allne isch das nit *presänt* gsi und sind doch no spöter ko
das kunnt denn am Schluss vo de Värs, ihr sette das verstoh
die elf Nase, diesmol ohni * Wybli* sinn den uff e Zug
mir sinn uff Gälterkinde und dert in Bus 102 ohni Verzug


Ormalinge,Hemmike,Rotheflue,Anwil,Kienbärg sinn Bus-Statione
e Bligg uss em Fänschter vom Bus das duet sich Lohne
aber mini Kamerade die luege nit usse und dien * Schnurre*
i weiss nit aber nooch *minere* Mainig sinn die *durre*





In Kienbärg a ko, hänn mir uns vor gno e Wanderig z`mache
do isch es denn Stail uffe gange, das isch denn nit zum Lache
in der Höchi obe hänn mer den e kurze Halt vor gno
do hett dr Ruedi d`Aessbstellig per Tel. durre geh, das muesch verstoh


Mir sinn durch Bluemewiese und viel Blueschtbäum hänn mir gseh
das muess me aifach gseh ha, das duet uns d`Natur au geh
e Wägstück uff Widnau abe wär fyr e paar fascht z`Stail gsi
do hett me e Umwäg g`macht, mir mien jo nit püngtlich in dr Beiz si

Hänn Dir alli au die Maierissli am Waldrand gseh stoh
mir hett me g`sait i soll si nit e Wäg neh und derte lo
in dere Zyt wo mir denn abegloffe sinn gege Widnau zue
hett`s wieder e paar ka uff anderem Wäg, " ebbe näb de Schueh"


Bim Aesse in dr Beiz goht Türe uff und zwai Kamerade kemme
die hänn uns verfolgt und hänn das nit kenne verklemme
es sinn zwei wo nit kenne läse und nit kenne telefoniere
das ka ich nit verstoh, das goht ganz bös an d`Niere

do sinn mir also 14 Kamerade gsi in dr Beiz am Schluss
wo zämme g`högglet sinn mit gueter Lune ohni Verdruss
Vier vo uns hänn denn uns e bizzli friener verloh
dr *Räscht* isch spöter haime gange, das muess me verstoh






Bemerggig was Träffpunggt , Zyt und Ort bestimmt:

In dr Bärghilf-Zytig, BAZ, BZ etc. sind unserei Wanderige nit Beschriebe
im Internet, im Basilea Info yneluege oder Tel. wär au nit Ybertriebe
denn würde au kaini fustrierte Wanderer an de Träffpünggt stoh
und alli wäre wieder z`friede, wenn si mit uns kenne uff d`Wanderig go

Fotos:
Peter Bachmann und Werner Hohler
Homepage: Werner Hohler
12. Mai 2016