PENSIONIERTENVEREIN DER KANTONSPOLIZEI
BASEL - STADT
gegründet 1938




Wanderung Mai 2017



Mittwoch, 10. Mai 2017
Besammlung: 1315 Uhr, Bahnhof SBB, Schalterhalle
Abfahrt: 1331 nach Gelterkinden, mit Bus 102 nach Salhöhe
Wanderung: Salhöhe - Staffelegg
Dauer: ca. 2 Std. 10 Min.




Dr Marcel Värs

Mir zwei kemme am 13.12 in d`Halle und was sehn mir do
e Tail vo uns Wanderer mien pressiere und laufe scho dervo
am viertel ab ains wär fyr uns alli dr Träffpunggt gsi
es kenne anschynend nit alli lääse oder d`Schrift isch z`gli

he nu me hett sich denn wieder troffe bim Glais Nr. Siebzäh
dert hänn sich denn alli kenne begriesse, au das muesses gäh
mit dr SBB sind mir den uff Gälterkinde uffe g`fahre
dert isch me umgstiege in Bus Nr. 102 däm grosse Karre


die Fahrt uff d`Salhöchi hett den ziemlich lang duurt
aber wie immer hett niemert`s gluegt, au nit dr Kurt
alli hänn e huffe g`redet yber Gott und " die Welt"
d`Umgäbig mit Wald, Wiese, Bäum hett do yberhaupt nyt zellt

uff dr Höchi bim Usstiege ha i denn zellt wieviel sind do
do sinn 20 Manne und 2 " Wybli" wo hänn welle mit is ko
dr Ruedi ohni Zettel hett 2 Vorschleg ka fyrs Aesse bstelle
do hett me wie im Glarnerland Händ brucht oder au e Kelle


die Wanderig gege s`Bänkersjoch isch am Afang e bizz Stail
es hett au Stuefe dinne ka mit Absätz, das finde nit alli so gail
e " Dame" vo uns hett wie dr Papst e mol dr Bode küsst
i weiss nit worum, viellicht g`stolperet, wenn i das nur wüsst

he nu uff dere Grete hett me e huffe Sichtwyti beidsytig ka
links dr Schwarzwald, Leibstadt, rächts d`Alpeketti hinde dra
e Gondle von ere Sailbahn isch bi nere Schihütte g`stande
die g`hert sicher nit dert ane (EWZ) duet abers Gländ verschandle




vor em Bänkersjoch hett`s no e rächte Abstieg ka
zum Glück hett`s nit g`rägnet das wär nit guet gsi fyr Frau und Ma
bim Bänkersjoch hett me e klaini Pause gmacht, he jo
denn e huffe sind e bizzli speter ydroffe eso no di no

wo`s denn langsam gege Staffelegg zue isch gange
hett me wäge aim sinere Gsundheit miesse blange
e Buurefrau hett 2 vo uns mit em Auti uff e Bahnhof do
e so wie mir erfahre hänn durch`s Handy isch das no guet usse ko



die andere sind denn wyter g`loffe zum Rest. Staffelegg
das isch den in ere unübersichtlige Kurve gsi, ebbe im Egg
im Rest. hänn mir uns verpfläägt und ebbis zum trinke gno
bevor mir mit em Bus,Bahn, Tram, d`Fuess hänn kenne haime go

Im Edi wynsche mir no gueti Besserig do
und hoffe das är s`nögscht mol wieder mit uns ka ko
und em Seppi danke mir das är ihn unterstützt het
das macht nit immer jede, i mach do no e Wett
Fotos:
Peter Bachmann und Werner Hohler
Homepage: Werner Hohler
13. Mai 2017