 |
PENSIONIERTENVEREIN DER KANTONSPOLIZEI BASEL - STADT gegründet 1938 |
|
Wanderung Mai 2019 |
|
Mittwoch, 15. Mai 2019 Besammlung: 1250 Uhr, vor Bahnhof SBB, Abfahrt: 1305 mit Tram 10 nach Bottmingen, Bus 60 Bottmingen ab 1326 nach Biel-Benken Brücke Wanderung: Biel-Benken -Neuwiller - Binningen ca. 2 Std 15 Min. |
 |
 |
| Dr Marcel Värs Besammlig am zwölfifufzig vor em Bahnhof vo der SBB wenn me dert das Chaos gseht duet`s aim richtig weh he nu es sind denn doch no e paar Wanderer erschiene uff em Traminseli fyr`s Tram Nr. 10 näbe de kaputte Schiene mit em Trämli nämmli isch me nooch Bottmige hindere gfahre derte umgstiege in dr Bus Nr. 60 emene grössere Karre mit däm Bus sind mir gege Leyme uff Biel - Bänke hindere bis dert ane isch dr Verkehr guet gsi und duet is nit behindere |
 |
 |
|
dert warte no Lyt vo uns wo au wänn go wandere es sind denn 24 Persone gsi am Schluss mit alle andere zur Info. mecht i do no mälde 22 Männli und 2 " Wybli" s`Wätter isch durchzoge , Bisig also nyt fyr kurzi Lybli mir sind den alli in d`Höchi gege Neuwiller uffe gloffe dert hett me usser Gäul- Fans nimmerts meh troffe dr Wanderleiter hett uns bim erschte Halt e Mitteilig gmacht wägem Aesse vo hit und dr Juni Wanderig wo me denn macht |
 |
 |
 |
 |
 |
 |
 |
 |
 |
 |
 |
 |
 |
 |
|
mir sind denn wyter durch dr Wald zue nere Lychtig ko dert hett me e scheeni Ussicht uff die ganzi Umgäbig biko anschliessend sinn mir dr Wäg vo dr franz. Gränze entlang do mir z`frieh dra gsi sind e bizzli mit gemächlichem Gang die Route-Aenderig hett uns doch au ebbis brocht mir sind denn durch e Täli mit Holzfigure duure *blocht* es isch denn au uffe und abe gange uff däm alte Wäg bis mir denn in d`Baiz kemme sind alli fyt und zwäg |
 |
 |
 |
 |
 |
 |
|
he nu mir sinn den uff die bekannti Binniger- Höchi ko dert hänn mir wieder uff geteerte Wäg miesse abe go im Rest. in Binnige sind mir vom Chef pers. empfange worde s`nögschte Mol nooch allem Aesse und Dessert griegt är e Orde es hett sich denne bim unserem Aesse no aine nit lumpe loh und isch denn ohni wandere aifach zu uns in d`Baiz yne ko also sind`s denn am Schluss im Restaurant 25 Persone gsi i bi jetzt noonig am Schluss aber dr Tag isch bald verbi |
 |
 |
 |
 |
|
Bemerkung des Webmaster: Für die Juni - Wanderung gibt es eine Aenderung. Diese Aenderung wird auf unserer Webseite publiziert. |
|
Fotos: Peter Bachmann und Werner Hohler Homepage: Werner Hohler 18. Mai 2019 |