|
Dr Gedanggesplìtter
Dä Wanderdaag ìsch, wènn ichs zämmefass,
ùnderem Mòttò gstande ‚jääs pflòtschnass'.
Für d Natuur ìsch das erseenti Nass e Sääge,
ùnd für ùns kùnnt dä Rääge nìt ganz sò glääge.
Dr ‚Stèffi' hèt kùrzfrìschtig mòniert,
es wùrdi nìt, wie plaant, grìlliert.
Òb nass, òb drògge, gìlts Gebòtt
vòm kantonaale Füürverbòtt.
Z ‚Tìtterte' duet dr Hìmmel hèftig griine.
Me stapft mìt em Schìrm òder dr Bèlèriine
dr Wanderwääg ùffe, ùnd das entschlòsse,
dùùr dr Pflòtsch mìt sine Wääggenòsse.
|
|
|
|
Bìm ‚Romai Agger' duet dr ‚Kuno' waarte,
bì dr Füürstèll, samt sine Wässerli, de haarte,
ùnd ständlige wìrd dènn ìn d Rùggsègg grìffe.
D Wasserkielig ìsch ìm Piggnigg ìnbegrìffe.
Wasser hèts üüberall - au ùff dr Brülle -
ùnd wenns äim stìnggt, dènn ischs nìt d Gülle.
E jeede zäigts, mììr ghööre zue de Flòtte,
wò ooni Probleem ùff ‚Ooberdòrf' dròtte.
|
|
|
|
|
Nò derwiile, wò mr gmietlig im ‚Bischtrò' hògge,
äin schnabbe, wìrds vòrùsse fascht drògge.
Mi Muuse? Si dänggt - schò fascht ìn Èggsdaase -
nümmen wie vòraane, an e Schnùùdernaase.
|
|
None Abschlùssgedangge wägem Füüre:
Dr ‚Wieschtesoon' vò L., äär duet bedüüre,
d ‚NATO' wùrdem zümpftig ùndere füüre,
aaber schaffe wùrd sis ìm Lääbe nie,
ììm si Stègggrìnd uss em Boode z zie.
Andy Kunzelmann
|
Fotos:
Peter Bachmann, Werner Hohler
9. Juni 2011 |
|
