 |
PENSIONIERTENVEREIN DER KANTONSPOLIZEI BASEL - STADT gegründet 1938 |
|
Wanderung Juni 2016 |
|
Mittwoch, 8. Juni 2016 !Tageswanderung mit Picknick!! Besammlung: 1100 Uhr, Flüh, Tram 10 Wanderung: Hofstetten , Haltestelle Bergmatten - Waldhütte Bürgergemeinde Aesch - Aesch Wenn Stöcke vorhanden bitte mitnehmen! |
 |
| Dr Marcel Värs D`Wättermäldig fyr dr Wandertag isch nit so guet drum han i mit gno Rägeschütz ohni mi Sunnehuet mir hänn uns in Flüeh am 10 00 Uhr troffe ohni mi I bi e bizzli spöter ko und bi ainewäg derbi !!!! I bi in Aesch in dr Bus und dä isch uff Flüeh hindere gfahre dert hänn 13 Manne und 1 " Wybli" g`wartet uff dä Karre do simmer mit däm Bus bis zur Haltestell Bergmatte ko dert hett uns dr Fahrer vom Bus denn ändlig usse glo |
 |
 |
 |
|
dr Ruedi als Wanderleiter hett uns denn no wichtigs brichtet är hett sich das vor gno und hett das nit ebbe dichtet mir sotte, die wo schnäll laufe zwische ine e Halt vorneh damit die wo nit so schnäll sind nit no meh mien geh Noch zirka ¾ Stund durch Fälder und mehr Wald hett me d`Ettingerhütte gseh, mir sinn witter gloffe ohni Halt das Glück isch wie fascht immer uff unsere Syte gsi es hett nit g`rägnet und mir sinn zytlich voll derbi |
 |
 |
 |
 |
 |
 |
|
noch wittere ¾ Stund sinn mer denn zu unsere Hütte ko und zwor Burgerhütte Aesch dert hänn mir gässe und aine gno dr Empfang in der schöne Hütte isch wieder gewaltig gsi dr Stefi und Elisabeth und Neffe hänn alles vorbereitet, super gsi mir hänn scho kenne bröötle uff der vorbereitete heisse Gluet und ebbis trinke, Bier, Wy und Wasser ohni Zahle, das duet guet denn hett`s noch dr Wättermäldig eso richtig a`fange rägne mir sinn aber g`schützt gsi in dr Hütte, dr Herrgott tuet das sägne |
 |
 |
 |
 |
 |
 |
 |
 |
 |
 |
 |
 |
 |
 |
|
Em Wirtepaar und simm "Hälfer" beschte Dank fyr alles drum und dra mir hoffe alli, dass das nit s`letschte Mol gsi isch wenn me Euch ka ha nooch däm Aesse und tringge hett`s no e Abstächer geh mir sinn in`s Wyguet und in dr Hütte vom M.Fanti aine go neh dert im Vorplatz vo däm Wybaizli tuet der Schriber aine schütte är hett e Späck-Guggelhopf g`spändet vo der scheene Hütte do ich aine gsi bi wo s`letscht vo derte haime gange isch muess ich igestoh das ebbis mit mir nit so guet gsi isch !!!!! |
 |
 |
 |
 |
 |
 |
 |
 |
 |
|
I mecht nit ussloh allne z`danke wo in d`Wystube mit sinn ko und mit mir in dr 20% Hütte-Arbet hänn no aine gno jetz wünsch ich Euch allne e gsundi und scheeni Summerzyt es isch Wanderpause bis am 14. Sept. denn wäre mir wieder so wyt |
|
Fotos: Peter Bachmann Homepage: Werner Hohler 11. Juni 2016 |