 |
PENSIONIERTENVEREIN DER KANTONSPOLIZEI BASEL - STADT gegründet 1938 |
|
Tageswanderung mit Pick Nick Juni 2017 |
|
Mittwoch, 13. Juni 2017 Besammlung: 1000 Uhr, Bahnhof Flüh Abfahrt: 10.13 Uhr, mit Bus 69, nach Challhöhe Wanderung: Challhöhe - Jägerhütte Röschenz - Laufen Picknick in der Jägerhütte Röschenz Getränke sind vorhanden und müssen nicht mitgetragen werden Wanderzeit: ca. 2 Std |
 |
 |
| Dr Marcel Värs Träffpunggt fyr alli wär am 10ni vormittag Bahnhof Flieh fyr die ainte isch das spoht, fyr die andere z`frieh He jo bis jetzt hett me sich immer troffe in dr Mittagszyt derfyr isch die hütigi Wanderig jo au nit so wyt I bi im Bus Nr.68 ab Aesch und do isch e grossi Wandergruppe zum Glück sinn die Usstiege bi Hofstette uff ere Kuppe sunscht hätt ich schwarz gseh fyr uns wenn die mit wäre ko denn hätte mir im Bus uff Challhöchi alli miesse stoh aber was i und dr Busfahrer gseh hänn in Flieh dert ummestoh hett uns fascht dr Schnuuff abgstellt, so wyt isch es aber nit ko dr Fahrer hett g`maint es sötti nomol e andere Bus do ane ko damit me alli kennt inne bringe ohni das ebber miesti stoh aber es isch denn doch no eso usse ko ohni wenn und aber unsere Bus isch so voll gsi * krüzwys * und e huffe Palaver uff dr Challhöchi sinn denn alli usstiege und sinn bliybe stoh denn hann ich alli zellt und tatsächlich sind vo uns 27 ko |
 |
 |
 |
 |
|
3 Fraue und 24 Männli hänn sich uff die Wanderig gmacht do hett me g`redet mitenand und zwysche ynne au no glacht bis emene unvorhärgsehene Zwyschehalt uff dr Höchi obe hett`s z`tringge gäh, e Apero, das muess me au emol lobe dr Thommi het e Asproch g`halte yber Yse im Stai das gits numme do in dr nöchi, dä isch so rot wie im Peter si Bai noch emene wytere Kilometer sind mir denn zur Jägerhütte ane der isch dr Rene und dr Kurt wo`s Fyr g`macht hänn, he nundefane |
 |
 |
 |
 |
 |
 |
 |
 |
|
Wasser, Wy, Bier und Apero Gebäck hett`s derte ka jede/jedes hett ebbis kenne neh und au miesse zahle dra dr Grill isch belegt worde mit allem megliche wie Wurscht und Fleisch numme aine hett wieder ebbis veganes g`macht,dr Jo, wär mainsch!! |
 |
 |
 |
 |
 |
 |
 |
 |
 |
 |
|
noch em grilliere und plaudere sinn mir denn durch Fäld und Wald vo dr Höchi ins Tal abe gloffe gege Laufe zue denn kunnt das bald z`wysche inne hett dr Thommi no ebbis verzellt wäge de Höhle do aber i ha das yberhaupt nit g`schnallt und ha au nüt mit biko In Laufe sinn mir denn bim Spittel verby zur Birs abe g`gloffe denn yber d`Brugg gege Bahnhof, dert verby und in dr Loki ydroffe dr Fritz hett`s wieder guet g`maint und allne Tonbretli g`spändet dr Ruedi hett im Lauf vom Tag em Fritz e Vorakündigung g`sändet |
 |
 |
 |
 |
 |
 |
 |
 |
|
Ich ha vom Fritz, i muess das do no ebbis wichtigs sage e Dessert bikoh, (wär fyr vier Persone gsi), gresser als mi Maage in dämm Momänt jetzt kummi ändlig zum Schluss i bi fascht fertig mit Schrybe und dr Schuss isch duss im Winnetou,im Rene, im Thommi und im Ruedi und em Fritz mechte mir alli zämme danggscheen sage, diesmol ohni Witz jetzt wünsch ich Euch allne e gsundi und scheeni Summerzyt es isch Wanderpause bis am 13. Sept, denn wäre mir wieder fit |
 |
 |
|
Fotos: Peter Bachmann und Werner Hohler Homepage: Werner Hohler 16. Juni 2017 |