PENSIONIERTENVEREIN DER KANTONSPOLIZEI
BASEL - STADT


Wanderung
September 2011
Mittwoch, 14. September 2011 Tageswanderung mit Picknick (Feuerstelle)
Besammlung: 0930 Uhr Bahnhof SBB
Abfahrt: 0950 Uhr nach Laufenburg, dann mit Bus 142 nach Bürensteig Passhöhe
Wanderung: Bürensteig – Sennmatten (Picknick) – Effingen, ca. 2 Std. 30 Min.


Dr Gedanggesplìtter

Znacht, wò dr Rääge ùffs Dach aane brasslet,
han i dänggt, dr Phiggnigg, dä wìrd vermasslet,
bì ùnserer Wanderig - ùnd au die wìrd häiter -
mìt däm Schütt als e dröie Wäägbegläiter.

Dòch dr Pheetrùs, dää gueti Maa,
hèt rächtzitig dòch nò Beduure ghaa
ùnd dr Hìmmel bùtzt mit em groosse Lùmpe,
ass mr hütt nìt mien dùùr Lache gùmpe.
Ùff ‚Laufebùùrg' faare mr mìt dr ‚Ès äins'
dènn ùff e ‚Büürerstäig' phèr ‚Bòschtauti-Läins',
füür ùff em ‚Friggdaaler Hööchiwääg' z laufe;
dr Sùnne noo ùnd nìt dùùr e Drauffe.
Dä Wääg duet äim dùùr e faltige Jura fiere
ùnd sìch zwüscheniine stòtzig brèsentiere.
Äär ìsch sälte brächtig, me daarfs schò saage.
Dr Friehèèrbscht kùnnt bsùnders zem draage.
Me wòtt jò kuum en Äigegool schiesse,
drùmm duet mes Ässen au rìchtig gniesse.
Sigs Grìllguet, Würschtli òder s ‚Bräät ìm Daarm':
Ùff dr ‚Sènnmatte' wìrd gspachtlet, kalt òder warm.

Zùm Drìngge seet men alles, vò Wasser bìs Wii,
ùnd au Kaffi zùm Schlùss ìsch bi männgem drbii.
Aber ìn d Gaschtstùùbe sìtzt gaar niemerts iine:
D Sùnne söll ùff e Rùgge òder Buuch gò schiine!


Dr Wanderwääg fiert is drnoo ùff ‚Effigen' aabe.
Döört ìsch alles zue ùnd s gìt nüt me z laabe.
Dòch e Bòschtauti hèts - das ìsch dòch dìgg -
wònis aane faart zùm ‚Baanhoof-Phöb' z ‚Frìgg'.

Döört ìsch me nòmòll gmietlìg zämme gsässe,
nùmme zùm Dringge, nümme zùm Ässe,
mìt mèèr òder weeniger miede zwäi Bäi;
ùnd mit deene faart me mìt dr Baan wìder häi.




Noone Gedangge zùm Schlùss zùm Noochedängge:

Dää Bùngger vò dr ‚beschten Armee' vò dr Wält -
die hütt ooni Zueversìcht ùnd nò weeniger Gäld -
stoot für e Nootzit ìn Angscht, Hass ùnd Zòòrn,
aber nümm für dr nöötigi Witblìgg für mòòrn.

Andy Kunzelmann
Fotos:
Peter Bachmann
Homepage Werner Hohler
20. September 2011