 |
PENSIONIERTENVEREIN DER KANTONSPOLIZEI BASEL - STADT gegründet 1938 |
|
Wanderung September 2016 |
|
Mittwoch, 14. September 2016 !Tageswanderung mit Picknick!! Besammlung: Bahnhof SBB Schalterhalle 0930 Uhr Abfahrt: 0947 nach Sissach, Sissach ab 1007 nach Oberdiegten Wanderung: Oberdiegten - Waldhütte Zunzgen - Sissach, ca. 2,50 - 3 Std. Wenn Stöcke vorhanden bitte mitnehmen! |
 |
| Dr Marcel Värs Wiederum nooch de *wohlverdiente* Summerferie dien sich 14 Männer und 2 Fraue zum wandere bekehre Am ½ Zähni am morge isch Träffpunggt in der Schalterhalle SBB es isch e super Wandertag mit viel Sunne es ka uns niemerts neh Mir sinn mit em Zug uff Sissach uffe g`fahre hänn dert dr Bus bestiege, he jo, in däm grosse Karre In Ober-Diegte hett dr Bus g`halte und mir hänn en kenne verloh wo mir d`Wanderer zellt hänn, sind uff aimol no 3 derzue ko Als neui Wanderfrau isch vom Erwin Straumann *seelig* hänn mir derfe S`Käti begriesse so ganz perseenlig denn hänn mir die Wanderig g`startet, es isch uffwärts gange witter obe sinn uns Laschtwäge entgege ko, me hett miesse bange |
 |
 |
 |
 |
 |
 |
 |
 |
|
Die hänn uns dr ganzi Wäg versperrt und mir hänn miesse Wyche wär eine oder aini in Wäg inne g`stande gäbs jetzt no e * Lyche* He nu mir sind denn wyter g`loffe bis zum ene Buurehof ane dert hetts e huffe Säu ka, wieviel das kamme nur erahne I bi um e Buurehof g`loffe und seh dert e grosse Traktor in sinnere Schufle e Muettersau, tot, aber riesegross s`ìsch wohr es hänn nit alli kenne seh, me isch bi däm Hof dure g`loffe und die wo d`Sau gseh hänn fühle sich ganz betroffe |
 |
 |
 |
|
dr kurzi Pausehalt am Waldrand isch nur fyr z`Stögg Techniker gsi me sotti natyrlig vorhär luege ob me Stögg ka ussezieh denn bisch derbi vo jetzt a goht`s numme no uffwärts ebbe e viertel Stund wenn das no viel wyter gange wär, wäre e paar scheen uff em Hund dert isch`s denn " fascht" ebe wyter gange durre Wald meh hett also bangt, wenn kunnt denn die Hütte bald wo mir denn ändlig a ko sinn in dr Hütte nooch ca. 2 Stund rieft doch aine mir sind falsch mir guetem Grund |
 |
 |
 |
 |
 |
|
dr Grillplatz isch uff dr andere Syte vom Wanderwäg dert stehn Lisbeth und dr Stefi und sind scho *zwäg* mr hänn nur kenne ane hogge dr Grill isch scho bereit e Tisch vo dr andere Syte muess me no hole hett dr Stefi gsait wie immer wenn mir e Wanderig mache mit grilliere duet s`Lisbeth und dr Stefi eso richtig brilliere s`git Bier, Wasser, Cafe und au no e Kueche i hoff scho uff`s nögschte Mol, wenn sie uns wieder bsueche ich sälber ha e bizzeli Rauch gmacht wo`s wirklich nit brucht derfyr hänn mi e Tail vo unsere Lyt ganz bös zämme g`stucht I will mi fyr die nögschte Mol bessere und in mi go i hoff, ihr dien mir verzeye, damit ich wieder zue Euch ka ko Noch em grilliere, noch viel Spys und Trank sag ich im Name vo allne de Grill-Lüt nomol beschte Dank Am viertel vor 3 hänn mir uns wieder uff d`Sogge g`macht dr diräggti Wäg uff Sissach abe, hm , das wär jo g`lacht |
 |
 |
 |
 |
 |
 |
 |
|
e kleine Umwäg hett me gmacht und isch uff e Bahnhof ko dert vor em Heimwäg hett me in dr Baiz no aine gno Ich dank allne wo dä scheeni Summertag hänn kenne gniesse und die wo nit derby gsi sinn, viellicht s`nögschte Mol kenne begriesse |
 |
|
Fotos: Peter Bachmann Homepage: Werner Hohler 16. September 2016 |