 |
PENSIONIERTENVEREIN DER KANTONSPOLIZEI BASEL - STADT gegründet 1938 |
|
Wanderung September 2019 |
|
Mittwoch, 11. September 2019 Besammlung: 1000 Uhr, Bahnhof SBB, Abfahrt: 1017 nach Sissach, Bus 107, Sissach ab 1037 nach Eptingen. Wanderung: Eptingen Richtung Haus Skila. Dauer ca. 1 Std 30 Min. Beim Haus Skila wartet auf uns ein gut eingeheizter Grill und div. Getränke. Werner Bolliger öffnet für uns das Haus des Skiclubs. Viel Glut und diverse Getränke warten auf uns. Es wird erwartet, dass wir die Getränke im Clubhaus beziehen. Wir müssen nur die Grilladen mitnehmen. Es hat genügend Sitzplätze |
 |
 |
| Dr Marcel Värs Wättermässig ka me nit klage, Temperatur goht grad no he nu zue däm Wandertag sinn wieder e paar zämme ko Besammlig isch am morge am zähni in dr Schalterhalle gsi ebbe 15 Männer, 1 Dame, 1 Hund, 2 mit Stögg sinn au derbi do sinn mir mit dr Bahn (Peron3) uff Sissach uffe g`fahre dert ussgstiege in Bus Nr. 107, ihr wärdet no meh erfahre in Eptinge hänn mir dr Bus schlussändlig miesse verloh dert hett uns erwartet e Uffstieg, me muess das verstoh |
 |
 |
 |
 |
 |
 |
 |
| dr ehem. Wanderleiter Stefi und dr Ruedi sinn nit Wandertüchtig fyr s`wandere hänn sie kai Mumm und sinn nit Stiegisüchtig sie wärde mit em Auto uff die Hütte Skila transportiert i frogg mi numme wär uns denn usser dene dert ane fiehrt zur Ufflesig vom obe beschriebene Värs mecht i do sage dr Steffi mit de Stögg und dr Ruedi duet 2 Krügge umetrage he nu mir hänn denn dä Uffstieg gueter Luune in Agriff gno do isch denn e mänge trotz de Temperature in Schwitze ko zwei vo dr ganze Gruppe hänn an ihre GPS umme druggt hänn gluegt ebb dr Wäg au richtig isch, es isch verruggt trotzdäm oder au wäge dämm hänn mir d`Hütte gfunde noch ere Trinkpause im Wald und noch ca. 1 1/2 Stunde |
 |
 |
 |
 |
 |
 |
 |
| dert hett uns dr *Hüttewart* dr Werner au fründlig empfange dr Grill isch scho parat gsi me hett wägem Aesse nit miesse bange dr ainti hett dr Ruggsagg voll ka mit Gschirr vom Hushalt he jo wenn me Läberli will grilliere muess me das halt me hett sich kenne i degge mit allem megliche Trank zum Aesse wo me mitbrocht het, alles het meh gseh, Gott sei Dank nooch dr Verpflägig hett`s ai Wort noch em andere geh do hett me sich verabschiedet und dr Wäg noch abe miesse neh |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
| dr Ruggwäg noch Eptinge uff dr Stross goht em mänge in d`Bai es isch fyr alli glich gsi, die wo`s gmerggt hänn sind nit elai in Eptinge hett me miesse warte uff dr Bus ca. e halbi Stund me hett Zyt ka um 2 Gmeindhüusser a z`luege bis är kund Im Nochtrag mecht i do erwähne no e neye Wanderer,dr Christoph i hätt en fascht vergässe vor luter andere Sache ich arme " Tropf" do mir denn wieder uff Sissach abe gfahre sinn mit em Bus hett me dert in dr Baiz no aine gno, das isch fascht ain muss wenn ich ebbis vergässe ha nämerts mir nit so übel wenn`s Euch nit passt denn wärfet das in dr nögschti Kübel mir hänn uns denn verabschiedet vo de ainzelne Lyt sinn den mit dr Bahn Richtig Basel, im ene Monet isch`s wieder so wyt de 2 an de Stögg wünsche mir gueti Gsundheit und Erholig im Hüttewart beschte Dangg und uff e Wiederholig !!! |
|
Fotos: Peter Bachmann, Werner Hohler Homepage: Werner Hohler 14. September 2019 |