Monatswanderung vom Oktober 2009 |
 |
Oktoberwanderung durch
den Herbst:
Mittwoch, 14. Oktober 2009
Besammlung: 1300 Uhr Bahnhof SBB
Abfahrt: 1317 Uhr nach Liestal, mit Bus 83 (1330) nach Hersberg.
Wanderung: Hersberg-Magden-Rheinfelden,
ca. 2 Std. 10 Min.
|
Dr Gedanggeschplitter
Das Wätter isch mir z kiehl, trotzdäm no guet,
au schüürt die Tämperatur nit my Wanderwuet.
Sìì duet m’r e Schpuur z rasch geege ‚kalt’ absagge.
Zeigt dr ‚General Winter’ bereits scho Flagge?
Anderi mööge das alles anderscht seh.
Wie au immer, es goht mit de-n-SBB
noo Lieschtel und, druff aane per Bus
uff Hersbäärg, in Richtig Wandergnuss.
Das heisst, vo Hersbäärg kömme mir bald
uff em e Mergelwääg dùùr e herbschtlige Wald.
Bym Wäägwyser mit dr Bezeichnig ‚Tal’
sait dr ‚Schteffi’: „Ich bruuch vo euch e Signal.
Wänn m’r is scho in dr ‚Blueme’ z Magde vrschlaufe,
odr diräggt via Magde noo Rhyyfälde laufe?
Ich befürcht drum, dir bliibet in dr ‚Blueme’ hogge
und machet Euch zschpoot noo Basel uff d Sogge.“
|
|
|
|
|
|
|
|
|
He nu, mir hän is für d ‚Blueme’ entschììde
und die vo Rhyyfälde drfür d Magdner benììde.
Denn mir sin hüt widr zruggkèèrt zem Alte,
will heisse, me het sich ganz gsittet verhalte.
Spööter hän m’r in ‚Magde’ e Daafele gseh:
‚Dr Heergott seht alles – my Noochber meh!’
Doo wott ich doch gar nit erscht probiere
nooche z schtudiere über säll Philosophiere.
Fünf Männer und ei Frau, entschlosse z vrsueche,
dr Wääg am Waldrand noo Rhyyfälde z sueche:
Die Frau lauft zem Kirchli, also in falscher Richtig,
d Männer hinde noo – die Hauptsach blybt wichtig!
Andy Kunzelmann
|
|
|
Fotos:
Peter Bachmann Werner Hohler
15. Oktober 2009 |
|
