PENSIONIERTENVEREIN DER KANTONSPOLIZEI
BASEL - STADT


Wanderung
Oktober 2012
Mittwoch, 17. Oktober 2012
Besammlung: 1240 Uhr Basel SBB
Abfahrt: 1301 Uhr nach Frenkendorf
Wanderung: Frenkendorf-Neu Schauenburg- Leuengrund (Einkehr)-Pratteln,
Gehzeit ca. 2 Std. 20 Min.


Dr 30. Gedanggeschplìtter

Hütt hèt is e häitere Hèèrbschtdaag begriesst,
mìt ere Es-Drei-Kùrzfaart, wò men au gniesst.
Dr Hìmmel ìsch wùlggig ùnd garniert mìt Schliire.
Nùmme fäälen is halt d Schwälblì ùnd Spiire.

Z ‚Fränggedòòrf' fange mr mìt Wanderen aa
‚Mììr' ìsch e Grùppe vò fascht zwanzig Maa.
Am ‚Maadleköpfli' vrbii stigts ùff ‚Nöi-Schauebùùrg' ùffe,
ùff eme hèèrlìge Wääg - ooni d Grèft z verbùffe.
D Geegend ìsch hüügelìg, d Wälder wäärde bùnt.
Si zäigen is aa: Dr Hoochhèèrbscht, äär kùnnt.
D Schööfli graase bschaulìg ùff de Wäiden ùss.
Ììri Rue stìll z gniesse ìsch dòch dr wòòri Gnùss.

Vòm ‚Stèffi' hööre mr d ‚Nöi-Schauebùùrg'-Gschìcht.
Die Gschìcht sprängt dr Raame vò däm Gedìcht.
Längts äim nìt, das Gschìchtlì esoo z schlùgge,
kaa für witeri Infòrmazioone ùff dä ‚Lingg' doo drùgge.
E Bsuech ìm ‚Wiistüübli Löiegrùnd' ìsch nìchtig.
Bi däm Wätter ìsch d Druubelääsi ganz wìchtig.
D Wììbüürene mäint, me könni sìch ìm ‚Egglìsgraabe',
anderscht, aber genau so guet gò erlaabe.
Dä Root ìsch guet gsìì ùnd s hèt sìch zäigt,
ìm ‚Egglìsgraabe' ìsch me fründlìg ùnd gnäigt
ùns z verwööne mìt äifachem, feinem Ässe.
Soo ìsch me ganz gmietlig zämme gsässe.

Z ‚Prattele' ùnde ìsch mìt Wandere Schlùss;
dr Wääg bìm ‚Löiegrùnd' dùùre e Gnùss.
E Grüppli duet ìmene Bäizlì nò öppis drìngge
ùnd sich drùff aabe für hütten ussglìngge.
Noone baar Gedangge zùm Änd:

Duet sìch d Kèlti liislìg aane schliiche,
dien ììre d Zùùgvöögel schnäll usswiiche.
Zwäi Vöögel wò an mènschlìger Wèèrmi hange,
ìsch es wäge mènschlìger Kèlti au esoo gange.

Dr Abflùùg vòm ‚'Fìngg' ìsch schòne Zit lang vrflòsse.
Dr ‚Voogel' nümm ‚häikoo' loo, hèt me drùff bschlòsse.
Drùm liidet jètz d Voogelwält amene Ùnterbestand,
ùnd e Däil vòm ‚EfCeeBee' zwiiflet am Sachvrstand.

Andy Kunzelmann
Fotos:
Peter Bachmann und Werner Hohler
Homepage: Werner Hohler
18. Oktober 2012