 |
PENSIONIERTENVEREIN DER KANTONSPOLIZEI BASEL - STADT gegründet 1938 |
|
Wanderung Oktober 2014 |
|
Mittwoch, 08. Oktober 2014 Besammlung: 1315 Uhr BVB-Haltestelle Riehen Dorf Abmarsch: 1330 Uhr Wanderung: Riehen-Wiese-Dreiländerpark- Kleinhüningen, ca. 2 Std. |
 |
 |
| Dr Gedanggesplìtter Nò hütt Mòòrge hèt e Räägelì fiin ùffs Huusdach glòpft ùnd s Dachwasser ganz süüferlìg ìn d Käänel dròpft. Dò saag i em ‚Peetrùs': "Dängg an d ‚Kìrschèssigfliege'*. Wòtsch, ass d Wìnzer nò mee Èssig ìns Wiifass griege?" Dä schüüchi Iiwand hètt schiints schò öppis gnùtzt. Mi ‚Peetrùs' hètt bìs zmidaag dòch nò dr Hìmmel bùtzt, wènn au mìt Mùùre nùmme wòlggig - dòch drògge - Mr machen is ìm Rieche-Dòòrf dròtzdäm ùff d Sògge. |
 |
 |
 |
 |
 |
|
Mìr' sìnn - zèllt men alli düpflischisserig genau - einezwanzig Männer begläitet vòn ere Frau. Mìt ììre lauffe mr dr ‚Bachtelewääg' aabe dr ‚Wììse' zue. Dä Flùss fìndet vòm Fäldbäärg bìs an ‚Rii' gaar nie Rue. |
 |
 |
 |
|
Schöön, döörf men esoone hèèrlìge Aablìgg erlääbe. Dr ‚Dülliger Hüügel' mìt sine hèèrbstschlìge Rääbe. Ich hòff, die Fliege* duet sìch nìt nò mee verbräite ùnd de Wiibuure statt Gwünn nùmme Sòòrge beräite. |
 |
 |
 |
 |
|
S äifachi Glub-Rèschtòrant ‚Driibüüni' vom FC Wiil, mìt günschtige Briise, ìsch für ùns e liichts Zwüscheziil. Mìr Bangsiònierti wänn nümme sèggle ùnd is näärve. Nò schlìmmer - is emene Läischtigsdrùgg ùnterwäärfe. |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
|
Gmietlìg lauffe mr dùr d Natuur zùm ‚Sùndgau-Huus'. Döört schwäärme Hòòrnùsse nò allewiil ii ùnd uus. Das ‚Sùndgau-Huus' ìsch e ganze schööne Rììgelbau ùnd si hèèrlìgs Hòòrnùsse-Näscht genau soo au. |
 |
 |
 |
 |
|
Dr ‚Reegiò-Kùnschtwääg' lèèrt is ùff Baaseldütsch wättere**, mìt Gwaaderstäi, benamst mìt ‚Schlùùfi' bìs ‚Tschättere' Bìs zùm ‚Eglisee' fìndet me vòr däm Gschìmpf kuum Rue, ùnd ìm ‚Hòòrbùùrg' gìt dr ‚Thomy' au nò si Sämf drzue. |
 |
|
Mues me zue däm Huffe Lèèren aane grad au nò draabe, kùnnt als Pflìchtfach oobedrùff nò ‚Zümpftigs Erlaabe'. Für säll äignet sìch z ‚Gläihüünige' s Rèschtòrant ‚Schìff'. Döört griegt men ìn däm Fach nò dr lètschti Schlìff. |
 |
 |
 |
|
**Läider wiìrd ìm ‚Mòòrgeland' nìt nùmme gwätteret, sòndern au brutal gmòòrdet ùnd gschòsse: Bald dääglìg wììrd äim zäigt, wies ìm ‚Mòòrgeland' brènnt ùnd me döört mìt Bìss kòpfloos ìns Verdèèrbe rènnt. Sìtzt dr türggischi Brèsidänt, mìt sine drìggriiche Fìnte, am Rand vòm Gschee au schò ìn däre ‚Schwaarze Dìnte'? Wènn sìch fìnschters Mìttelalter mìt nöier Thèchnigg baart, das ‚Gmìsch' blìndwietigi granggi Seele ùm sìch schaart, dènn schiints, die mènschlìgi Vernùnft verlieri an Muet ùnd füürchti säll ‚Gmìsch', wò ìns Ùnglügg fiere duet. Andy Kunzelmann |
|
Fotos: Peter Bachmann und Werner Hohler Homepage: Werner Hohler 9. Oktober 2014 |