PENSIONIERTENVEREIN DER KANTONSPOLIZEI
BASEL - STADT
gegründet 1938




Wanderung Oktober 2015



Mittwoch, 14. Oktober 2015 !! Tageswanderung mit Picknick (ohne Regen mit Grill) !!
(Bänke unter Dach, Picknick mitnehmen)
Besammlung: 0940 Uhr Bahnhof SBB
Abfahrt: 1001 Uhr nach Gelterkinden, dann mit Bus 102 (1033) nach Anwil
Wanderung: Anwil-Rottannen-Waldhaus-Rothenfluh,
Gehzeit gut 2 Std



Dr Marcel Värs

Am achti am morge grad nochem pfusse
mach i dr Rolllade uffe und lueg zum Fänschter uuse
do bi ni grad verschrocke, es isch häll und d`Sunne isch do
das kunnt jo guet, wenn mir hytte wänn grilliere go

Mir hänn uns wieder in dr SBB-Schalterhalle troffe
zur bestimmte Zyt sinn`s wenigi gsi, dr räscht hett sich sicher verloffe
he nu es sind denn halt weniger ko, als au scho friener
do simmer uff`s Peron gloffe durch e huffe Lyt wie uffgschychti Hiehner

He nu mir sinn mit em Zug bis uff Gälderkinde ko
bis dert ane hänn mir mit Zwischehält no meh Lyt biko
bevor mir dert in Bus i`gsige sinn mit fufzäh Ma
hänn mir no e glaine Aschauig`s Unterricht ka


Zwei Frauebei hänn e paar vo uns ganz unsicher g`macht
denn wenn die Wanderschueh a ka hätt, do hätti au no glacht
aber sie sinn eso schoen und wohl g`formt gsi (die Bei)
das aine vo uns die hett miese uff neh und hett sie jetzt dehei

dr miend jetzt nümme öbbis ganz schlächts dängge
Aer duet die Foti sicher in dr Wanderrevue schängge
wo mir denn in Bus nooch Anwil g`fahre sinn, he jo
hett me scho miesse d`Karte a luege, wo`s denn söll duure go

do an dr Busstation hett no jede ebbis alege miesse
denn e Wind hett Blose und d`Kälti hett au lo griesse
Uff em Wäg hett`s sehr viel Wägwieser und Verzwygige ka
Do wundere i mi numme, wie me yberhaupt e Waldhus finde ka





Im ene Waldstück nooch diverse Vergabelige stoht si do
sie isch g`schlosse gsi und me hett nit kenne inne go
Dusse hett`s Tisch und Bängg ka, so au e Grill
Do hett jede ebbis kenne Aesse und trinke so viel är will




Bsuech vo Waldarbeiter wo ebbis hänn welle schaffe
sinn mit e huffe Wäge ko, do frog i mi was die denn mache
noch däm Bsuech sinn mir denn wyter gange uff e Flue
dert hett`s e Uusicht ka, s`isch super gsi, uff Rotheflue

do hämmer dr Abstieg in`s Dorf unter unseri Wanderschueh gno
es isch teilwys zimmlig steil gsi, bevor mir ins Dorf sinn ko
Im Rest.Rössli hett me no ebbis kenne Aesse und dringge
bevor alli fuffzäh in Bus i`gstiege sinn zum Heime go, zue de Fingge



Fotos:
Peter Bachmann und Werner Hohler
Homepage: Werner Hohler
15. Okt. 2015