|
PENSIONIERTENVEREIN DER KANTONSPOLIZEI BASEL - STADT
gegründet 1938 |
|
Mittwoch, 12. Oktober 2016
Besammlung: 1230 Uhr, Bahnhof SBB, Schalterhalle
Abfahrt: 1250 Uhr nach Möhlin
Wanderung: Möhlin - Riburg - Rheinfelden, 2,50 Std.
|
Dr Marcel Värs
Wandertag i stand am morge uff und lueg zum Fänschter usse
dert seh ni nüt als Näbel i könnte wieder in`s Bett go witter pfusse
do i gege mittag uff e Bahnhof-Platz fahr mit em Trämli
sesch numme no Sunne aber gar kai Näbel meh nämmli
Im Trämli hett`s no drey Kamerade ka in dr glyche Stund
aine derfo het e Blueme ka ums rächte Aug, e andere dr Hund
dä mit em *Bliemli* hett welle dehai bim Baum no Aescht absäge
do hett är s`Uebergwicht biko und isch den uff em Bode glääge
He nu mir sinn den zu viert in die Schalterhalle inne ko
dert hämmer 13 Manne ohni " Wybli " gseh dert umme stoh
mir sinn denn spöter mit em Zug uff Möhlin uffe g`fahre
vo derte a hänn mir derfe laufe und ohni Bus zum fahre
|
do in Möhlin sinn denn uff aimol no zwai Kollege zue uns g`stosse
do simmer also 19 Manne gsi und kai " Wybli " mit de Wanderhose
dr Wanderleiter hett wies so yblich isch wenn mir nit grilliere
dr Bstelligzettel fyr sÀesse fyre gno, är duet do doch e bizz pressiere
Aer git d`Bstellig telefonisch per per Natel im Baizer bekannt
do weiss me scho frieh was in dr Baiz bekunsch s`ìsch allerhand
im Bach nooche sinn mir durs s`Dorf bim Schwimmbad verbi
vo dert isch`s nimme lang gange bis zu unserem liebe Rhy
|
im Rhy nooche hett`s e huffe Bäum und grossi Aescht im Wasser ka
dr grööschti Dail isch vom Biber gsi wo e huffe g`schafft hett dert dra
unseri Foti-Manne hänn e huffe Bildli vom grosse Kanton g`macht
denn am Ufer dert hett`s no alti Kirche und Gebäude ka, e scheeni Pracht
|
so no di no und zwysche durre isch dr Wäg uffe und abe gange
zwische dene Bäum wo no so viel scheeni Blätter hänn lo abehange
mir sinn denn au no bim Kraftwärgg Rhyfälde verbi
dert hett`s e scheeni Natur - Landschaft teil`s au no im Rhy
|
In Rhyfälde akoo im Dorf und in der Gass das hett so e gwüsse Reiz
es isch nit lang gange sind alli verschwunde in dere bestimmte Baiz
es isch e glaini Baiz mir hänn dert g`Aesse und no aine zueni`s gno
bevor alli dr Bahnhof in`s Visier gno hänn zum haime go
|
Fotos:
Peter Bachmann und Werner Hohler
Homepage: Werner Hohler
14. Oktober 2016 |
|