PENSIONIERTENVEREIN DER KANTONSPOLIZEI
BASEL - STADT
gegründet 1938




Wanderung September 2016



Mittwoch, 11. Oktober 2017
Besammlung: 1200 Uhr, Bahnhof SBB
Abfahrt: 1217 Uhr nach Liestal, Bus 70 nach Bretzwil, Eichhöhe
Wanderung: Eichhöhe - Büren /SO, ca. 2 Std 15 Min.
Wanderstöcke wenn vorhanden, bitte mitnehmen


Dr Marcel Värs

Am 12 lochloch in dr ehemolige Schalterhalle isch Träffpunggt
trotz Tramumleitige hann i welle luege wär hütte alles kunnt
es sinn 15 Männli ko und ai "W ybli" diesmol au ohni Hund
dr Präsi hett no ebbis miesse Aesse in dere Mittagsstund

mir alli hänn e paar Minute spöter dr Zug uff Liestel gno
dert am Bahnhof isch aine g`stande wo no hett welle mit uns ko
do sinn mir den mit em Bus uff Reigoldswil hindere
dert unterwägs isch nomol aine i`gstiege wo uns nit duet behindere

do hett`s g`haisse mir mien umstiege in e andere Bus
das hänn mir alli durregfiert au ohni grosse Verdruss
mit dämm sinn mir denn uff d`Höchi g`fahre uff e Ybergang
d`Haltstell isch a`gschrybe gsi mit Eichhöchi alles ohni Belang







I ha do no ebbis vergässe z`notiere bi dere Haltstell
dr Wanderleiter hett no welle ebbis wisse wäge Aesse, dä Gsell
mir hänn denn die obligati Lischte in Beschlag gno
do hett e jede/s si Aesse kenne bstelle so alles no di no

vo dert hett`s e bizzeli e Styggig ka gege dr Waldrand zue
denn hett me sich uff em Wäg Gedangge g`macht in dere Rueh
me hett die Farbe vo de Bletter vo de Bäum kenne bewundere
au in dr Luft hett`s Raubvegel ka, aber gar kaini bsundere






uff em Wanderwäg im Wald hett`s au spezielli Tafele ka
Balsberg-Naturerlebnis mit Infos, aber kaine/s hett Inträsse dra
dr Wäg isch aimol abegange und denn wieder in d`Höchi uffe
dert hänn denn e paar e bizzeli mieh ka mit em Schnuffe

dr neyi wo mit uns mit ko isch um mit uns go laufe
hätt i fascht vergässe, me hett dr Name Ruedi geh bim Taufe
är hett sinne Gedangge fyr die wytere Wanderige uns zue lo ko
und hett g`maint, wenns denn emol rägnet kenne mir ohni ihn go

vor Lupsige hänn uns wieder emol e paar miesse verloh
me hett si zruggpfiffe wägem falsche Wäg das muess meh verstoh
do sinn mir denn wieder zämme gege Büre abe gloffe
zum glygg hett sich denn kaine/s vo uns wieder verloffe


vor em Rest. Linde hänn mir denn kenne dr Steffi wieder begriesse
är hett uff uns dert g`wartet und hett`s si Wyli kenne gniesse
in dr Baiz hänn mir denn das vorb`stellti Aesse kenne neh
e bizzeli * Schnurre* bevor mir hänn miesse haim, oh weh





dr neyi und ich sinn scho friezytig vorhär uff dr Bus
o her je, dr Wagefierer hett tobt es isch ai Verdruss
är isch verruggt gsi wäge e paar Lyt wo im Wage blöd do hänn
immer am Knopf druggt, ohni das si ebbe yne und usse wänn

dr beschti kunnt jetzt no das muess ich Euch do no sage
do isch e Fräulein uff Rollerblads uff dr Hauptstross uff Liestel abe
dr Wagefierer hett si nit kenne yberhole us purrer Sicherheit
näabe de Schueh, Todesmuetig, nur blöd, hänn mir do g`sait

bevor ich do schliess mit däm Värs ganz wyt hinde
muess ich no dangge im Wirtepaar zum Rest. zur Linde
sie hänn extra die Baiz uffgmacht fyr uns Wanderslyt
i hoff es sinn denn alli guet haime ko zur spötere Zyt

im Steffi wynsche mir alles gueti und hoffe uff e Wiederseh
au allne wo nit zwäg sinn, die mechte mir au wieder seh
am Schluss mecht i do no allne richtig dangge sage
wo mi und mini Värs ohni Hintergedangge kenne vertrage!!!!!


Fotos:
Andy Kunzelmann
Homepage: Werner Hohler
15. Oktober 2017