 |
PENSIONIERTENVEREIN DER KANTONSPOLIZEI BASEL - STADT gegründet 1938 |
|
Wanderung Oktober 2018 |
|
Mittwoch, 10. Oktober 2018 Besammlung: 1300 Uhr, vor Bahnhof SBB, Haltestelle Tram 10 Abfahrt: 1305 Uhr, Wanderung: Flüh nach Binningen, ca. 2 Std. Infolge Bauarbeiten konnten wir mit dem Bus nicht wie vorgesehen nach Burg fahren. Ruedi hatte eine schöne alternative Route auf Lager. Wir starteten in Flüh und landeten in einem guten (uns wohlbekannten) Restaurant in Binningen. |
 |
 |
 |
 |
| Dr Marcel Värs Besammlig 13.00 vor em Bahnhof SBB bim Tram Nr . 10 e paar sind derte gsi au e Frau und e Hund wo me setti mit nä mir sinn mit em gähle Tram yber Oberwil nooch Flieh hindere es hett kaini unterbrächige geh und dorum duet is nit behindere bi dr Station Flieh hinde hett`s no e paar ka wo g`wartet hänn es kunnt mer vor die mache dr netti die mache aifach was sie wänn do hett dr Wanderleiter s`Machtwort ergriffe zem ebbis mälde mir dien die Route abändere, aber nit gege s`Dorf in Birsfälde |
 |
 |
 |
 |
 |
|
ich sälber bi ganz yberrascht gsi vo dere neye Route Wahl das isch doch glych, mir sind 20 Männli und au Frau an dr Zahl an statt noch Burg im Leyme mit em Poschtauto hintere fahre hett`s derte Baustelle uff dr Stross ka, hänn mir miesse erfahre mir sinn denn z`Fuess vo Flieh gege das Dorf Biel-Bänke teilwys uff geteerte Stroose , das git mir denn scho z`dängge me hett au Fälder g`seh mit farbigem Gmiess, Salat und so viel Obscht an de Bäum und au am Bode hett me das derte lo |
 |
 |
 |
 |
 |
 |
 |
|
nooch Biel-Bänke isch es denn e Stutz näbe dr Stross uffe gange do hett dr aint oder au anderi fascht Zunge lo usse hange obe an dämm Stutz im Waldrand neechi hett me e Pause gmacht es isch jedes und jede bis derte ane ko, ebbis anders wär jo g`lacht bi n`ere Grillstell bim wyter wandere hett me e scheeni Ussicht ka me hett viel gseh vo Basel und em Leymetal e super Panorama vo dert sinn mir wyter g`loffe e bizzeli in Richtig oder … Binnige zue durch Fäld und Wald, normale Wäg, teilwys sogar no mit alte Schueh |
 |
 |
 |
|
do hett uns aine verloh bi dr Haltstell und isch mit em Bus abe gfahre är hett e *Probleem* ka mit em Körber hänn mir kenne speter erfahre he nu mir sind denn alli wieder zämme ko in Binnige unde im Cafe dert isch no aine zu uns ko wo no hett welle aine neh, o weh !! in dämm bekannte Cafi hänn mir uns beschtens verpfläge kenne alles vo dr Karte vo Schnitzel mit Po bis au Italia- Penne do hänn sich nooch en`ander e paar uff d`Sogge g`macht me hett sich verabschiedet und isch denn gange vor dr dunggle Nacht |
 |
 |
 |
 |
 |
 |
 |
 |
|
Fotos: Peter Bachmann, Werner Hohler Homepage: Werner Hohler 13. Oktober 2018 |