PENSIONIERTENVEREIN DER KANTONSPOLIZEI
BASEL - STADT
gegründet 1938




Wanderung Oktober 2019



Mittwoch, 9. Oktober 2019
Besammlung: 11315 Uhr, Bahnhof SBB,
Abfahrt: 1331 nach Liestal,
Wanderung: Liestal dem Orisbach entlang nach Büren
ca. 2 Std.

Dr Marcel Värs

dr Wättergott hett`s nit guet g`maint fyr d`Wanderig hütte
s`hett am morge scho * g`saicht* nai es duet no schütte
d`Besammlig isch diesmol in der Schalterhalle SBB e bizzli spoht
13.15 bi däm Wätter keini Wanderer wenn das nur guet goht

i bi denn ganz yberrascht worde vo 20 Ma, kai Wybli, und aim Hund
trotz em Räge und nit mit hoche Temperature zu dere Stund
dr Wanderleiter hett denn dr obligati Aesszettel-Bstellig ume geh
do hett jede kenne mit emene Strich a`geh was är zuem Aesse will neh

mir sinn den mit dr Bahn uff Lieschtel dert warte no zwai Ma
die wänn au mit ko uff d`Wanderig es hinderet si niemerts dra
dr Wanderleiter und zwai wo nit wänn oder kenne uff die Wanderig go
hett me am Bahnhof verabschiedet bis spöter mir hänn si dert lo sto



bi dere Wanderig hett`s Yberraschige geh am laufende Band
aine isch dert dure e Gruppe hett sich teilt es liegt uff dr Hand
me hett sich denn wieder troffe und isch gemeinsam richtig Büre
bi Fäld und Wald und emene Fischtaich und au grosse Schüure






vom Wätter här muess i do nit witter brichte es rägnet immer no
wo mir uff Lupsige uffe denn e bizzli abe g`stiege uff Büre sinn ko
dert im Restaurant hänn uns die 3 erwartet wo nit sinn go laufe
mir hänn dene nüt verzellt vo dere grosse Umwanderigsschlaufe

he nu me hett sich dert verpflägt gemäss unsere B`stellig
nochhär hett me e huffe g`schwäzt also eso richtig g`sellig
e paar hänn sich den verabschiedet und sind mit em Bus uff Lieschtel
die andere weiss i nit die sinn denn no hogge blybe bi dr * Christel*

" dÀlzheimer " hett zue g`schlage i waiss nit worum
dr Carlo als neye ha ich vergässe das isch dr * Wurm*
i ha mi miesse zämme risse um yberhaupt die Värsli z`mache
s`Wätter , dr Räge und d`Wanderig do kasch nur no lache


Fotos:
Peter Bachmann und Werner Hohler
Homepage: Werner Hohler
12. Oktober 2019