 |
PENSIONIERTENVEREIN DER KANTONSPOLIZEI BASEL - STADT gegründet 1938 |
|
Wanderung November 2016 |
|
Mittwoch, 9. November 2016 Besammlung: 1300 Uhr Bahnhof Dornach Abfahrt: 1318 Uhr nach Gempen / SO Wanderung: Gempen - Bad Schauenburg - Frenkendorf ca. 2 Std. 45 Min. |
 |
 |
 |
 |
 |
 |
 |
| Dr Marcel Värs D`Wätterfee us em Ziribyt hett fyr dr Mittwuch Schnee und Räge a`sait In Dornach Bhf sinn 19 Maa, 2 Fraue und e Hund zum wandere bereit mr sinn mit em Bus uff Gämpedorf uffe g`fahre, he jo dert isch no aine gsi vo uns wo au no hett welle mit uns ko es hett die erschte 1 ½ Std. vom wandere au gar nit g`rägnet bi de Wahle vo USA hett`s e neye Präsi geh, do bisch denn g`säägnet bim laufe durre Wald und yber Wise hett me e huffe diskudiert obwohl do Politik nit ane ghert, aber es het doch mängs vo uns intressiert |
 |
 |
 |
 |
|
dä Tag goht no in d`Gschicht i vo dr ganze Wält i hoff, das unsere Präsi no lang blybt, denn mir hänn en gwählt jetzt kemme mir wieder zum wandere und sind yber Stock und Stai es isch emol abe gange, denn wieder uffe, s`isch guet und goht in Bai |
 |
 |
 |
 |
|
Bim Bad Schaueburg sinn mir verby und diesmol ohni Halt d`Bstellig vom Aesse hänn mir diesmol kenne usloh, s`wird nit kalt bim ene Stai vo dr Gardealag vom Hotel hetts e Gedänggtafel mit Schrift das sind Schaueburger"Chrisi" vo Libanon, das weiss doch jede Stift |
 |
 |
 |
 |
 |
 |
|
bevor mir denn gege Fränkedorf / Füllinsdorf abe sind ko hett dr Räge i`gsetzt und hett `s denn e bizzli tröpfle loh im Rest. hänn mir alli zämme no kenne dr Stefi begriesse und nooch em Aesse bevor em heim go no eine begiesse im Wirt mecht i do nomol rächt dankscheen sage mir hänn lang miesse uff das nit vor b`stellti Aesse warte aber är hett alles Wett g`macht mi em g`spändete Dessert und so die g`spalteti Mainig vo e paar e bizzli verbessert |
 |
 |
 |
|
Fotos: Peter Bachmann, Werner Hohler Homepage: Werner Hohler 11. November 2016 |