PENSIONIERTENVEREIN DER KANTONSPOLIZEI
BASEL - STADT
gegründet 1938




Wanderung November 2017



Mittwoch, 8. November 2017
Besammlung: 1330 Uhr Bahnhof Ettingen
Wanderung: Ettingen Biel-Benken - Allschwil ca. 2 Std. 15 Min.




Dr Marcel Värs

s`Wätter isch wolggeverhange, Räge isch a`gsait fyr hütte
i lauf vo Rynach noch Ettige und hoff es kunnt nit go schütte
do in Ettige am Bahnhof isch Träffpunggt genau halbi zwai
wo ich dert a`kumm in dämm Ettige bi ni nit ganz ellai

zämme ko sinn 22 Wanderer/innen dervo sind zwai " Wybli"
alli digg a`glegt mit Jacke und Kappe, kaini dünne Lybli
dr Ruedi hett wieder e Bstellig entgege gno fyr e kalti Kuchi
nooch langem hie und här hett`s klappt au ohni dr * Richi*


wenn Aengel reise denn kunnt das fascht immer guet
es hett nit g`rägnet, hätsch kenne laufe au ohni dr Huet
mir alli sinn denn gloffe durch Wiese, gege Biel Bängge zue
me isch froh gsi wägem Drägg, das me a ka hett d`Wanderschueh



bim "Birsmattehof" hett aine vo uns e klaini Usszyt gno
är isch denn ebbe noch ere viertel Stund wieder zue nys ko
denn simmer wyter gloffe au uff Strosse und dure Wald
bi e paar vo uns hett scho dr Maage knurrt, kunnt Allschwil bald






jo do simmer denn alli uff Allschwil in ehem. * bluetige Knoche*
jetzt hetts g`schnallt bi mir, dr Wirt hett nit welle Koche
in dr Baiz hett`s no zwai Fän vo uns dert inne ka
dr aint isch dr Itin Werner, dr ander dr Stefi dä gueti Maa



mir hänn dert vom Wirt e spezielles Stübli reserviert biko
es hett so viel Platz ka, me hätti no e paar vo uns haime lo go
es isch denn trotzdäm no luschtig zue und här gange, he jo
me hett sich noch em Aesse verabschiedet und hett kenne haime go



Fotos:
Peter Bachmann, Werner Hohler
Homepage: Werner Hohler
11. November 2017