PENSIONIERTENVEREIN DER KANTONSPOLIZEI
BASEL - STADT
gegründet 1938




Wanderung November 2018



Mittwoch, 14. November 2018
Besammlung: 1320 Uhr, Bahnhof SBB
Abfahrt: 1337 Uhr nach mit S3 nach Laufen, Bus 118 nach Riederwald
Wanderung: Wir laufen der Birs entlang nach Laufen
Dauer: ca. 2 Std. 15 Min.
Zum Zvieri besuchen wir zum letzten Mal Fritz Schober im Bistro Loki.
Geschäftsübergabe Dezember 2018.



Dr Marcel Värs

I gib mir e Rugg und fahr mit em Trämli zuem SBB
eso viel vo unsere Lyt ha ich no gar nie gseh
in dr Schalterhalle hänn sich troffe ca. 30 Persone
i glaub die sinn wägem Aesse ko denn z`tuet sich lohne

Spass bisyte mir sinn mit dr Bahn uff Laufe g`fahre
derte umgstiege in Bus Nr. 118 dämm grosse Karre
dä isch denn mit Umwäg nooch Riederwald hindere
bi dr Station hett är denne g`halte ohni ebber z`behindere




dert bi dr Station hann ich zellt wieviel sind vo uns do
32 Männli und 4 * Wybli * und 1 Vierbeiner sind ko
es so viel sind scho lang nimme ko go wandere
s`Aesse hett sicher gloogt, do saits aim sicher im andere

vo dert sinn mir denn g`loffe dr Birs und Bahn entlang
Richtig Bärschwil teilwys uff em Damm näbe em Schinestrang
mi hett numme ebbis g`wunderet uff däm Wäg dert
wieso hett`s Fangnetz uff dr lingge Syte, sìsch doch gstehrt

do hett`s Lyt bi dr SBB, die sind doch in e hochi Schuel
e Wanderwäg wo nit g`sichert isch, die hogge näbem Stuehl
he nu es isch nit jedem gä au ebbis emol s`dängge
erscht wenn denn emol ebbis passiert duet`s dä vo oobe längge

in Bärschwil isch vor allem tote Hose und alles hett zue
die wänn derte schlofe und e jede hett sie göttlichi Rueh
nooch Bärschwil isch es uffe und abe gange gege Laufe
do isch aine vorne g`sprintet und hett sicher ebbis welle Kaufe


In Laufe akoh isch unser Ziel das Bistro mit em Name Loki
dert erwartet uns dr Baizer Fritz, aber nit mit Stocki
är spändet ganz viel belegti Bröötli mit sehr viel Härz
i hoff är wird das verkrafte aus s`goh ohni Schmärz

Im Loki sind no 4 vo uns am ene runde Tisch g`sässe
das heisst, 40 vo unsere Lyt hänn den derte gässe
mir dangge im Fritz fyr die sehr nätti Geste
mir hoffe fyr ihn, är duet denn an dere Wiehnacht feschte

am Schluss vo dere Wanderig und em Aesse
sette mir z`ämme si und z`ämme laufe nit vergässe
i weiss es fallt jedem einzelne teilwys schwer eso
fyr alli gilt yberhaupt s`kenne laufe sinn mir doch froh



Jo, i ha fascht vergässe die neye Wanderer z`begriesse
dr Mario,dr Heinz und Emanuel dien das sicher no begiesse
also bis zuem nögschte mol und hoffentlich wieder derbi
es isch dr Johresabschluss mit Diversem, s`isch scho gli
Fotos:
Peter Bachmann und Werner Hohler
Homepage: Werner Hohler
17. November 2017