Monatswanderung vom Dezember 2010
Es gab folgende Schlusswanderung:
Mittwoch, 8. Dezember 2010
Besammlung: 1315 Uhr Bahnhof SBB, 10er-Tram
Abfahrt: 1334 Uhr mit 10er-Tram nach Oberwil
Wanderung: Oberwil (BLT)-Bielhübel-Bielweg- "Eigene Scholle" (kurze Einkehr)- Weierhof-Binningen
Jahresausklang: Rest. Spiegelfeld (Sportbad), Binningen, Wassergrabenstr. 21 Menü: Salat, Fondue Chinoise (Rindfleisch) à discretion dazu Gemüsereis/Pommes und Früchte, Glace. Wein (Fleurie)

















































Dr Gedanggeschplitter zem Advänt












Wenn me dùr d Altschtadtgasse schländeret,
seht me, ìhr‘s Usseh het sich jetz vränderet.
Liechterbööge, Kerze, Kùùgele, Schtärne
funggle um d Wett mit em Froscht by de Latärne.

In de Montere dien lüüchtig Usslaage brange,
d Wiehnachtsbäum uff de Blätz sin schmuggbehange.
E Wiehnachtszauber vrbreitet sich fyyn dùr d Luft,
zämme mit em Marooni- und em Guzziduft.

Aamächelig au d Schtänd vom Wiehnachtsmäärt,
root gwandet d Santigläus mit ìhre wysse Bäärt.
Dr Mässblatz zeigt sich in Wyss, wie au s Rììseraad.
Dangg roote Kùùgele an Gìrlande wirggt är nid faad.

Die bunti Glitzerwält het aber au e-n-anderi Syte,
Heggtig macht sich breit in deene feschtlige Zyte.
E Rììsenaagebott wott animiere zem Schängge;
uff e Konsum richtet sich jetz allgemein s Dängge.

D Bsinngligkeit het nümm so viil Gwicht,
altmoodisch, wär bscheide isch und schlicht.
E schtille, gmietlige Wiehnachtsmärt-Bummel
ändet schliesslig im ene Kaufrusch-Rummel.

Allewyl no glych isch s Lüüchte vo Kinderauge
bym Aabligg vo viile Sache, wo nid alli dien tauge.
S Kind hüt het‘s schwerer, wie mìr doozmool, z vrzichte,
by alle deene Vrfierige, wo sich dien an ìhns richte.

E schtillere Wääg wähle doo d Heilsarmischte,
wo singe-n-und musiziere, die Idealischte.
Soo sammle si Gäld, um Not könne z lindere
und löön sich do draa au vo dr Kèlti nid hindere.

À propos Kèlti tönt’s no lang in myne-n-Ohre:
In Pole sin dä Advänt über fuffzig Lüt vrfròòre.
So gseh goht’s is, trotz unsere Probleem, doch guet.
Wäm‘s schlächt goht, wünsch ich Kraft und Muet.

Gniesse mr vo Härze die unbeschwerte Schtunde
und vor allem no s Dessert in dère heerlige Runde.
Händ e schöni Adväntszyt uff eme bsinnlige Wääg –
Schteffi, ganz bsundere Dangg – und – blyybet zwääg.


Andy Kunzelmann




Unserem lieben Stefan sagen wir vielen Dank,
für die Wanderleitung im vergangenen Jahr.
Wir freuen uns,
auch im 2011 wieder mit Stefan auf Wanderung zu gehen.
Fotos:
Peter Bachmann Werner Hohler
9. Dezember 2010