Jubiläum 75 Jahre
PENSIONIERTENVEREIN DER KANTONSPOLIZEI
BASEL - STADT
gegründet 1938




Wanderung Dezember 2013



Mittwoch, 11. Dezember 2013
Jahresabschluss im Rest. Rendez-vous "Helvetia", Allschwil, Hegenheimermattweg 100 (Tennisanlage) Vormittagswanderung
Besammlung: 0930 Uhr Tramendstation 6, Allschwil
Abfahrt: 0955 Uhr mit Bus 33 nach Schönenbuch
Wanderung: Schönenbuch-Hegenheim?-Allschwil ca. 1 Std. 30 Min.
Mittagessen: Auswahl zwischen 4-5 Menüs ab spez. Karte (wird vor Wanderung abgefragt!)
Nichtwanderer: Sind ab 1145 im Restaurant, bitte beim Wanderleiter für Essen anmelden!
























Dr Gedanggesplìtter zùm Advänt

(vòòrdräit ìm Rèschtòrant ‚Rendez-vous',
vò dr Thènnis-Aalaag ‚Helvetia', z Allschwil)

Wènns frie dùnggled über Stadt wie Land
ùnd d Kèlti d Äärde überfriert.
Alli sìch iimùmmele ìn e warms Gwand,
bì Fròscht, wò d Gwäggs wiss ziert.

Wènn d Häilsarmee sìch ùff Blätz fòrmiert,
ìm Dùùrzùùg sammled ùnd sìngt,
derzue ìn gläine Grùppe musiziert -
vòm Chòraal bìs zue ‚Beschwìngt'.

Wènns nò Haarz schmèggt ìn dr kiele Lùft,
ùnd dr Biiswìnd äim fröschtle duet,
begläited vòmene feine Guzzidùft -
doo fühlt me sìch ganz guet.

Wènn d Kìnderauge häll fùnggle dien
ùnd am Adväntskaländer hange.
Gìschplìg, wèll si lang warte mien -
ùff e ‚Häiligen Oobe' dien blange.

Dènn ìschs am ‚Vierezwanzigschte' sò wit,
ass d Kèèrzen am Böimlì brènne.
Vòm ‚Häiligen Oobe' ìn dr Wienachtszit
wòtt me sìch kuum drènne.

Mag sii, ass ich daas z roosig see,
gschdüpfled vò dr Nòschdalgii.
Verlòòreni Illusioone - si dien wee.
Dr Kitsch - döörf bìgòscht au sii.

Dòch sälbverständlìg ìsch das alles nìt,
luegt men ùmme ùff dääre Wält,
wòs Aarmuet, Noot ùnd Kùmmer gìt -
Statt vier Wänd e rìssigs Zält.

Mìt däne Väärs kùmm ich zùm Schlùss,
möcht em Stèffi häärzlìg dangge.
Wünschem s Bèscht - ùnd dr Verdrùss?
Dä wiise mr ìn d Schrangge.

Öich wünsch i e fröölìgs Wienachtsfèscht,
bsùnders Gsùndhäit ìm nöie Jòòr.
Gnau wienem Stèffi nùmme s Bèscht.
Käi Kùmmer, kai Läid, käi Gfòòr.

Andy Kunzelmann









Fotos:
Peter Bachmann und Werner Hohler,
Andy Kunzelmann vom Weihnachtsmarkt
Homepage: Werner Hohler
12. Dezember 2013