PENSIONIERTENVEREIN DER KANTONSPOLIZEI
BASEL - STADT
gegründet 1938




Wanderung Dezember 2016



Mittwoch, 14. Dezember 2016 Jahresabschluss
Besammlung: 1400 Uhr, Allschwil, Endstation Tram 6
Wanderung: Allschwil - Eigene Scholle - Basel
Nachtessen: Restaurant Dorenbach, Holeestrasse 61, 4054 Basel
Menü: Gemischter Salat, Cordon bleu, Pommes-frites, Gemüse, Dessert




Dr Marcel Värs

Allschwil, Mittwuch am zwai bi dr Schlaufe vom 6er Trämmli
hänn sich dert versammlet, 20 Maa und 2 Fraue nämmli
dert hett unseri Wanderig a`gfange gege Schönebuech zue
dr Wanderleiter hett immer no d`Lüt zellt, är loht is kai Rueh

mir sinn den e bizzli durch Allschwil bi de Hüusser verby
s`hett grossi und glaini ka und au settigi sogar mit Fädervieh
do und dert hett me no Riegelbaute kenne bestuune
das Fachwärk vo friener isch optimal, do kamme nur no stuune


mir sinn den im Bächli noche uff emene glaine Wanderwäg gloffe
do hett`s no Lyt ka und e fremds Päarli han i do no troffe
dr Ma hett mi g`froggt, gehn Dir uff Neywiller usse go ässe
do ha ich ihm g`sait mir mache e Rundwäg, är kennti das vergässe

mir sinn den yber Wiese und gege dr Wald zue gloffe
do hett is mängs Flugi mit emene Lärm so richtig troffe
im Wald isch es denn nit viel besser worde und au gsi
do isch d`Fitness im Vordergrund g`stande fyr gross und gly




do sinn mir g`wehr duure Wald zue de Schrebergärte
i weiss nit was me dert macht, do kasch nur no älter wärde
s`ìsch denn usse ko, das mir in`s Baizli Eigene Scholle gehn
jetzt hett`s jede g`schnallt sogar die greschte Glehn

dert in dr Baiz hett jede kenne ebbis trinke und ässe
Zyt isch ebbe um die 3 und zobe am 6 Aesse kasch bald vergässe
s`hett Wurschtwegge und Käskiechli geh zum mampfe
do muesch jo bis zum Nachtässe ganz bös duure stampfe


am 5 i zobe isch es dunkel worde, wo mir die Baiz hänn verloh
jetzt goht`s abwärts gege Stadt zue das muess no eine verstoh
e Teil vo unserem Wäg isch mit fremde Kerze beliechtet gsi
das hänn alli guet gfunde, eso wägem dunggle, eb gross oder gli



im Rest. wo vo uns reserviert gsi isch, sind no vier g`sässe
dr ehem. Wanderleiter mit Frau und no zwei wo au wänn ässe
eso sinn das am Schluss 26 Wanderer- und Fraue gsi oder so
wo dä Schlusstag vom Johr des Wanderns in Beschlag hänn gno

es hett no 2 Bemerkigge vom Wanderleiter und vom Präsi geh
dr Werner,dr Peter und ich hänn e Fläsche kenne yberneh
denn hett me sich langsam verabschiedet vo däm Johr
alles Gueti, e scheeni Wiehnacht und bis am 11. Jan. im neye Johr

Wir wünschen allen Wanderfreunden
und auch allen Lesern unserer Webseite;
frohe Weihnachten und ein gesegnetes 2017.
Bleibt gesund und wir sehen uns mit den
Wanderschuhen an den Füssen im Januar wieder.

Fotos:
Peter Bachmann, Werner Hohler
Homepage: Werner Hohler
17. Dezember 2016