|
|
|
|
|
Motto vom Tag:
E so-n-e Wanderig durchs Baselbiet
isch Balsam für d Seel und au fürs Gmiet.
Noo deene ‚Schifftäg’, deene nasskalte, harte,
het me Sunneschyyn kuum dörfe-n-erwarte.
Vom Wanderwääg uss, uff Pulverschnee,
hän mir uffs verschneyte ‚Arbeldswil’ gseh.
Beschaulig duet das Dorf am Geegehang lììge,
und au dr Schwarzwald sehsch wirgglig gedììge.
Dä Wääg und d Gruppe dien sich bald deile
und die, wo nit loose wän, s Schiggsal ereile.
Die mien nämlig dur’s Underholz schtolpere,
schtatt uff em Pfad laufe, wo nit duet holpere.
Dr Bruno duet an Èscht syni Pfote wetze
und sich drbyy au no bluetig verletze.
Si Schnäpsli, nit nuume guet zem Schlugge,
duet yygriìbe, au e-n-Infeggtion unterdrugge.
Bym Buureguet mit Fluurnaame ‚Schlief’,
sait dr Steffi: ‚Wartet schnäll, denn ich rief
alli zämme uff e Schlugg ‚Aquavit’ –
hän si’s denn drungge, sin die wider fit!’
In dr Geegend ums Schloss Wildeschtei
sin mir, wie sich’s zeigt het, nit so dehei.
Dr ‚Schteffi’ duet is dört – es isch nit zem saage –
dur e Bach und quer durs Unterholz jaage!
Mir hän dört au no-n-e Wildwäggsel gseh
und das vo flingge, sicher gsunde Reh.
Vergliche mit deene – wie die könne laufe –
me könnt sich drwääge dr Hòòrboode raufe.
Im ‚Frohsinn’ z Buebedorf duet die Wanderig ände
und ich loss es by däm eigetlig jetz bewände.
Aber bloost au s näggscht Mool e-n-yyskalti Biise,
grieg ich näbe Hienerhut au e-n-ärnschthafti Kriise!
Andy Kunzelmann
|
wo laufen
|
sie denn?
|
da hetts spöter im Frohsinn gäh, schins
|
han ich öppis verpasst? |
Fotos:
Peter Bachmann, Werner Hohler
12. Februar 2009 |
| | | 
