Monatswanderung vom März 2009 |
Die Märzwanderung sah wie folgt aus:
Mittwoch, 11. März 2009 Besammlung: 1300 Uhr Bahnhof SBB Abfahrt: 1317 Uhr nach Liestal, dann mit Bus 67 (1329) nach St. Pantaleon. Wanderung: St. Pantaleon-Büren-Rotengrund-Erli- Bubendorf, ca. 2 h 15 min. |
  |
| Dr Gedanggeschplitter Am Wanderdaag isch d Wätterprognoose allewyl das wo-n-ich zerscht wott loose. Die vo dèère Wanderig macht mr bsunders Muet, und Uffhällige am Noomidaag sin immer guet. Am Himmel oobe seh-n-ich zwar no Dolgge in Form vom ene Huffe vo muusgraue Wolgge. Vor luter Freud due-n-ich dr Petrus loobe: Är het doch scho etlichi uff d Syte gschoobe. Das er si noo St. Pantaleon verschoobe het, isch grad die Syte, wo me nit so gärn wett! Es git dört Graubbel und Schneerääge drzue – unseri Wandergrubbe bringt das nit uss dr Rueh. Me kaa glyychwool erschts Zwitschere gniesse und seht Schneeglöggli nääbe Groggussli schpriesse. Dr Wanderwääg fiert is gmietlig ob ‚Zììfe’ verbyy: Dr Ussbligg vo dört kaa kuum draumhafter syy. Aber die Räägewand! Ouu, han ich schnäll begriffe und mi gfrògt, duet s’is bald ins Gnigg iine schiffe? Gschifft het si doch nit – das isch doch dr Hit – und das m’r dr ‚Steffi’ sy Karte zem Heebe git! Dangg em ‚Steffi’ lauft die Wanderig wie am Schnierli zletscht no bi Sunneschyyn noo Buebedorf zem Bierli. Die dräggige Hooseschtöss bis tief aabe zer Soole söll doch by Gläägeheit dr Deufel hoole!!! S Reschtorant ‚Frohsinn’ isch eifach e Gwinn well mir am Änd doch ganz froh sin dört drin. Unseri Wandergrubbe, schlicht und eifach vermässe, het em Beizer alli Yyglemmte wägg g(fr)ässe. S letschti Värsli no in eigener Sach: Bim Ryyme goots in minere Hollerith-Maschììne grad glyych zue wie im ene Schtogg vo Bììne. Me kaa quasi saage e neuroloogischs Gwitter, und zletscht uuse koo isch: ‚Dr Gedanggeschplitter’. Andy Kunzelmann |
|
