Monatswanderung vom April 2009 |
 |
Die Aprilwanderung sah
wie folgt aus:
Mittwoch, 8. April 2009 Besammlung: 1300 Uhr Bahnhof SBB Abfahrt: 1317 Uhr nach Liestal, dann mit "Waldeburgerli" nach Hölstein und mit Bus 92 (1349) nach Bennwil Wanderung: Bennwil-Ebnet-Langgarben-Lägerts-Hölstein, ca. 2 h 10 min.  |
| Dr Gedanggeschplitter Dräffpunggt: Drizää-Null-Null in dr Schalterhalle, zer Moonetswanderig, wo uns sott alle gfalle. Vo ‚Bämbel’ noo ‚Hölschte’ wird zämme gloffe, drum het sich dä Zùùg Wandervöögel droffe. Bis Lieschtel wärde m’r – mir sin’s jo gwoont – mit ere rueige und rasche Bahnfahrt beloont. Ab dört, daas uff dr Dreyviertel-Meter-Schpuur, macht s ‚Waldeburgerli’ – ‚himself’ – e Topp-Figuur. Vo ‚Hölschte’ transportiert is druff no ‚d Poscht’ per Bus no ‚Bämbel’ uffe – joo bigoscht. Mir laufe under deggtem Himmel, doch drogge, flott in Wanderschueh und au soo Sogge. Uff em Leuebärg, doo scheide sich d Geischter, an de Wyysige vom ‚Schteffi-Wandermeischter’. Es schyynt, e gleini Grubbe, si heig grad pennt und sich drum vom Hauptharscht drennt. Am Änd goht’s heftig schteil, nit z gnabb, geege ‚Hölschte’ zue, dr Wald dùrabb. S Bethli: ‚Wanderleiter, du bisch nümm dr Bescht! Und ich ungeignet für e Schtoossdämpfer-Tescht.’ Jetz blybt is numme no dr Wääg zer ‚Linde’. Dört kibbt me zämme eins hinder d Binde. Die meischte sin drzue ganz druff versässe, e Veschberplättli odr e Waldfescht z ässe. Dr eint oder ander isch glyy wider gange, die meischte drgeege sin blììbe hange. Ich für mìì find – ich loss m’r ’s nit nää – e soo ne Wanderdaag, dä muess es gää!! Andy Kunzelmann |
|
