Monatswanderung vom September 2009


Dr Gedanggeschplitter

E Wanderdaag, soo wie me-n-en maag:
E sunnige, warme Friehherbschtdaag!
Früschfröhlig und ganz ohni Hemmige,
goht's mit Bahn und Bus no "Hemmigge".

D Schtreggi via Maibärg - ganz famoos -
fiehrt is über Fäld, wie Wald, no Moos.
Dr Vorhuet - dère wotts wììder nit glinge,
dr rächt Wääg zfinde über "Ormelinge".

Deene schwererziehbaare, dänggfuule Wääse,
wird vom "Schteffi" druff d Poschtòòrnig vrlääse.
Drbyy sait äär: "Bi dère Sunne" dère heisse,
mien dir drfür über dää Hüügel schteisse!!'






















Die einte hän dänggt: "Das isch mir Wurscht.'
Die andere: "Ouu" doo schtirb ich vor Durscht!'
Ich haa dänggt: "Joo, das ghört halt drzue...'
Verschwitzt sin mir glyych aakoo uff "Hoof Flueh".

Döört, bis Freivogels - hei, git's doo z Ässe!
Dr feyni Wyy und s Wasser blybe unvrgässe.
Au Guzzi und Kaffi samt Kirsch wird serviert.
Dä "Klaari" wird gsoffe und nit deguschtiert!!!

Me seht uff zwei Bilder die luschtige Zächer,
mit gfüllte Schtämpfeli odr gar halbvolle Bächer.
Dr Lärmpeegel isch gschtììge, au dää im Bluet.
Hauptsach: D Lääbere gsund und Schtimmig guet!!
























Au für die Letschte gilt's: Me sott wìder hei,
zwar mit ere Faane und elastische Bei.
D Noochhuet kaa me gseh in Gälterkinde,
wo versuecht, dr Wääg uff e Bahnhof zfinde...


Fotos und Dr Gedanggeschplitter:
Andy Kunzelmann
13.09.2009
Euer Webmaster Werner Hohler







zurück