Monatswanderung vom November 2008 |
Die Novemberwanderung sah
wie folgt aus:
Mittwoch, 12. November 2008 Besammlung: 1225 Uhr Bahnhof SBB Abfahrt: 1236 Uhr S3 nach Grellingen - Himmelried Wanderung: Himmelried – Eigenhof – Bergmatt - Duggingen |
 |
 |
Motto vom Tag: Träffpunkt 1225, Schalterhalle! Für e Wanderig, wo eim duet gfalle. Mir fahre aane mit de-n-SBB, um dr Bahnhof z Grällige z’seh. Nei, eso schtimmt das nit, well’s jo no s Poschtauti git. Mit däm rattere mir, no gar nit mied, uffwärts diräggt noo Himmelried. Denn laufe mir, es isch jo kei Schtroof, gmietlig über dr Hüügel Richtig Eigehof. Kurz drvor lauft Gascht für Gascht schtatt über d Matte dur dr Morascht. Dr Eigehof macht morn denn zue (vermuetlig hän si vo de Dräggschue gnue). Das wäär’ iine jo gar nit z verdängge! Doch zerscht mien si’s no d Gedrängg yyschängge. Gschtèrggt goht’s, aber ohni Drugg, dur e Wald via Bärgmatt noo Duggige zrugg. Dört göhn mir no schnäll in Schtärne ein go heebe – aber kein füllt d Latärne. Im Geegedeil, mir kömme kuum zem hogge, sait dr Georges: ‚Männer ab uff d Sogge – zem Bahnhööfli goht’s uff sichere Bei, denn S3 fahrt is bald Basel zue hei!’ Andy Kunzelmann |
|
